Jaslar sanaat hám isbilermenlik zonasında asfaltlaw jumısları alıp barılmaqta
2025-12-17 18:10:00 / Жаңалықлар
Jaslar sanaat hám isbilermenlik zonasında asfaltlaw jumısları alıp barılmaqta
Ózbekstan Respublikası Prezidentiniń 2021-jıl 3-fevraldaǵı PP-6155-sanlı Pármanına muwapıq, Taxtakópir rayonındaǵı "Qaraoy" APJ aymaǵınan 3 gektar jer maydanı ajıratılıp, "Jaslar sanaat hám isbilermenlik zonası" shólkemlestirilgen edi.
Usı aymaqta jas isbilermenler ushın qolaylı sharayatlar jaratıw, óndiris hám isbilermenlik jumısın rawajlandırıw maqsetinde Qaraqalpaqstan Respublikası Joqarǵı Keńesi Prezidiumınıń arnawlı qararı tiykarında Isbilermenlik infrastrukturasın rawajlandırıw qorınıń qarjıları esabınan 1 milliard 440 million sum qarjı ajıratıldı.
Ajıratılǵan qarjılar esabınan jaslar sanaat hám isbilermenlik zonasına alıp barıwshı hám aymaq ishindegi 1,2 kilometr avtomobil jolların asfaltlaw jumısları izbe-izlik penen ámelge asırılmaqta.
Bul infrastruktura joybarı aymaqta jańa jumıs orınların jaratıw, jaslardıń bántligin támiyinlew hám isbilermenlik jumısın jáne de keńeytiwge tiykar boladı.