"Zorlıqqa qarsı 16 kúnlik gúres" akciyası sheńberinde "Biz zorlıqqa qarsımız" atamasında gezektegi úgit-násiyat ilajı shólkemlestirildi
2025-11-27 17:55:00 / Жаңалықлар
#Áhmiyetli_16_kún
Taxtakópir rayonı "Taxtakópir" PJJ aymaǵındaǵı hayal-qızlar ushın áhmiyetli "Zorlıqqa qarsı 16 kúnlik gúres" akciyası sheńberinde "Biz zorlıqqa qarsımız" atamasında gezektegi úgit-násiyat ilajı shólkemlestirildi.
Ilajda rayon hákiminiń orınbasarı, Shańaraq hám hayal-qızlar bólimi baslıǵı G.Seytnazarova hám rayonlıq IIB hayal-qızlar máseleleri boyınsha aǵa inspektorı, kapitan B.Baxieva qatnasıp, hayal-qızlardıń huqıqıy mádeniyatın arttırıw, zorlıqtıń hár qanday kórinisiniń aldın alıw hám shańaraqlarda salamat ruwxıy ortalıqtı qáliplestiriw boyınsha túsindiriw jumısların alıp bardı.
Ushırasıw dawamında qatnasıwshılarǵa zorlıq túrleri, onıń aqıbetleri, qorǵaw orderin alıw tártibi, sonday-aq, mashqalalı jaǵdaylarda qaysı shólkemlerge múrájat etiw múmkin ekenligi haqqında hár tárepleme maǵlıwmat berildi.