Taxtakópir rayonındaǵı 2-sanlı mektepte "Ózbekstan - keńpeyil úlke" atamasında ruwxıy-aǵartıwshılıq ilajı bolıp ótti
2025-11-13 20:30:00 / Жаңалықлар
Taxtakópir rayonındaǵı 2-sanlı mektepte "Ózbekstan - keńpeyil úlke" atamasında ruwxıy-aǵartıwshılıq ilajı bolıp ótti
1995-jılı 16-noyabrde Parijde YUNESKO Bas konferenciyasınıń 28-sessiyasında "Keńpeyillik principleri deklaraciyası" qabıl etilgen bolıp, bul sáne hár jılı "Xalıqaralıq keńpeyillik kúni" sıpatında belgilenedi.
Usı múnásibet penen Taxtakópir rayonındaǵı 2-sanlı ulıwma orta bilim beriw mektebinde "Ózbekstan - keńpeyil úlke" atamasında ruwxıy-aǵartıwshılıq ilajı bolıp ótti.
Ilaj dawamında oqıwshılar tárepinen túrli milletlerdiń milliy taǵamları kórgizbesi, nama hám qosıqlar, sonday-aq, milliy oyınları sheberlik penen atqarıldı. Jaslar ózleriniń shıǵıwları arqalı mámleketimizde milletleraralıq tatıwlıq hám óz-ara húrmet qádiriyatlarınıń tereń qálipleskenligin bildirdi.
Keshe juwmaǵında "Keńpeyillik hápteligi" sheńberinde belsene qatnasqan oqıwshılar hám pedagog oqıtıwshlar rayon hákimligi, sonday-aq, Din isleri boyınsha komiteti tárepinen húrmet jarlıq hám bahalı sawǵalar menen sıylıqlandı.