Qaraqalpaqstan Respublikası Taxtakópir rayonı hákimligi

Taxtakópir rayonında korrupciyaǵa qarsı gúresiw máselelerine baǵıshlanǵan ushırasıw ótkerildi

Búgin Taxtakópir rayonında Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratov hám Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarması bólimi baslıǵı R.Sadikovtıń qatnasıwında huqıqbuzarlıqlardıń aldın alıw, jınayatshılıqqa qarsı gúresiw hám korrupciyalıq jaǵdaylardıń aldın alıw máselelerine baǵıshlanǵan ushırasıw bolıp ótti.

Ilajda rayon hákimligi, huqıq qorǵaw uyımları, mákeme hám shólkemlerdiń basshıları, máhálle belsendileri qatnastı.

Ushırasıwda korrupciyaǵa qarsı gúresiwdiń nátiyjeli mexanizmlerin kúsheytiw, puqaralar arasında huqıqıy mádeniyattı arttırıw, ashıq-aydınlıq principlerin turmısqa engiziw máseleleri hár tárepleme dodalandı.

B.Matmuratov óziniń shıǵıp sóylegen sózinde korrupciyanıń sociallıq-ekonomikalıq rawajlanıwǵa unamsız tásiri, mámleketlik xızmetkerlerdiń hadallıq principlerine ámel etiwi hám hár bir basshınıń jeke juwapkershiligin arttırıw zárúrligin ayrıqsha atap ótti.

Ushırasıw juwmaǵında qatnasıwshılarǵa korrupciyanıń aldın alıw boyınsha ámeliy usınıslar berildi hám nızamshılıqtaǵı sońǵı ózgerisler haqqında maǵlıwmatlar jetkerildi.