Qaraqalpaqstan Respublikası Taqıyatas rayonı hákimligi

Puqaralardıń múrájatı tıńlandı, mashqalalarǵa ornında sheshim tabılmaqta.

Taqıyatas rayonı hákimi Kamiljan Aytbaev, rayon prokurorı Azat Qıpshaqbaev basshılıǵında "Taqıyatas" MPJ turǵınları menen ashıqtan-ashıq sáwbetlesip, olardı qıynap kiyatırǵan mashqalalarǵa ornında sheshim tabıw maqsetinde kóshpeli qabıllaw ótkerildi.

Qabıllaw dawamında puqaralar turaq jay hám kommunallıq xızmetler, bántlik, sociallıq qorǵaw, densawlıqtı saqlaw, bilimlendiriw hám basqa da áhmietli máseleler boyınsha óz múrájatların bildirdi. Ayırım múrájatlar ornında sheshildi, qalǵanları boyınsha bolsa juwapkerlerge anıq tapsırmalar berildi.

Álbette, elimizde bunday qabıllawlar xalıqtıń mashqalaların ornında úyrenip, olarǵa ámeliy járdem kórsetiw, mámleketlik uyımlar hám puqaralar arasında ashıq pikirlesiw maydanın jaratıwǵa xızmet etedi. Qabıllaw juwmaǵında barlıq múrájatlar ayrıqsha qadaǵalawǵa alındı hám olardıń orınlanıwı qatań qadaǵalap barılatuǵını atap ótildi.