Qaraqalpaqstan Respublikası Taqıyatas rayonı hákimligi

Búgin Taqıyatas rayonı hákimligi májilisler zalında Xalıq deputatları Taqıyatas rayonlıq keńesiniń 14-sessiyası bolıp ótti.

Sessiya kún tártibinde 8 másele kórip shıǵıldı.

1. Taqıyatas rayonı prokurorınıń 2025-jıldıń ótken dáwiri dawamında Ózbekstan Respublikası Prezidentiniń 2025-jıl 3-yanvardaǵı "2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı PQ-1-sanlı qararınıń orınlanıwı boyınsha jáne jınayatshılıqqa qarsı gúresiw hám korrupciyanıń aldın alıw baǵdarında ámelge asırılǵan jumıslar boyınsha málimlemesi haqqında (Taqıyatas rayonı prokurorı A.Qıpshaqbaevtıń esabatı).

2. Ózbekstan Respublikası Prezidentiniń 2025-jıl 3-yanvardaǵı "2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı PQ-1-sanlı qararınıń orınlanıwın támiyinlew maqsetinde rayonda huqıqbuzarlıqlardıń aldın alıw hám olardıń profilaktikası jaǵdayı, jámietlik qáwipsizlik boyınsha rayonlıq Ishki isler bólimi baslıǵı Sh.Ismoilovtıń esabatı haqqında;

3. Taqıyatas MPJ aymaǵı Aqsınǵúl kóshesinde jaylasqan 3-jayda jasawshı puqaralardı, sonday-aq, jalǵız sociallıq qorǵawǵa mútáj hám kem támiyinlengen puqaralardı jasaw sharayatın jaqsılaw maqsetinde "Abat mákan" MPJ Babanov kóshesi nomersiz jayda shólkemlestirilip atırǵan sociallıq turaq jayǵa kóshiriwdi shólkemlestiriw haqqında (Rayon hákiminiń orınbasarı U.Aytımbetov)

4. Taqıyatas rayonı hákiminiń 2025-jıl 7-oktyabr kúngi "Qaraqalpaqstan Respublikası Joqarǵı Keńesiniń 2025-jıl 14-iyul kúngi 289-sanlı qararınıń orınlanıwın támiyinlew haqqında"ǵı 263-13-215-F/25-sanlı biyligin tastıyıqlaw haqqında. (Rayon hákiminiń orınbasarı U.Aytımbetovtıń esabı)

5. Ruwxıylıq hám aǵartıwshılıq orayı Taqıyatas rayonlıq bólimi tárepinen 2025-jıldıń 9 ayı dawamında sociallıq-ruwxıy ortalıqtıń turaqlılıǵın támiyinlew, ideologiyalıq hújimlerge qarsı milliy ideya tiykarında awızbirshilikte gúresiw, shańaraq, mektep hám máhálle birge islesiwin bekkemlew hám sol tiykarda ruwxıy tárbiyanıń úzliksizligin támiyinlew baǵdarında alıp barılǵan jumıslar haqqında. (Ruwxıylıq hám aǵartıwshılıq orayı Taqıyatas rayonı bóliminiń direktorı M.Djumamuratovanıń esabatı)

6.Taqıyatas rayonında xalıqtıń sociallıq járdemge mútáj kategoriyaların jumısqa jaylastırıw ushın jumıs orınlarınıń eń az sanın belgilew hám 2026-jılı rezervke qoyıw haqqında. (Taqıyatas rayonı Kámbaǵallıqtı qısqartıw hám bántlikke kómeklesiw bólimi baslıǵı M.Qaipnazarov esabatı)

7. Taqıyatas rayonlıq medicina birlespesiniń 2025-jıl 9 ay dawamında orınlanǵan jumısları haqqında. (Rayonlıq medicina birlespesi baslıǵınıń orınbasarı E.Aqantaev esabatı)

8. Ózbekstan Respublikası Prezidenti Administraciyasınıń 2025-jıl 7-iyundaǵı 03-1181xdfu-sanlı tapsırmasınıń 1-qosımshasınıń 13-bántiniń talapların orınlaw ushın rayon aymaǵınan 20,04 gektar jer maydanında "Jasıl baǵ"dı shólkemlestiriw haqqında (Taqıyatas rayonı turaq jay qurılısı hám kommunal xojalıqları bóliminiń baslıǵı K.Bektaevtiń esabatı) tıńlandı hám bul boyınsha deputatlar tárepinen tiyisli qararlar qabıl etildi.