1-oktyabr - "Muǵallimler hám ustazlar kúni" múnásibeti menen Taqıyatas rayonı 7-sanlı balalar muzıka hám kórkem-óner mektebinde bayram ilajı bolıp ótti.
2025-09-29 17:50:00 / Министрлик
«Jańa Ózbekstanda eń áhmiyetli taraw - bilimlendiriw, eń húrmetli insanlar - muǵallim hám ustazlar bolıp esaplanadı!»
1-oktyabr - "Muǵallimler hám ustazlar kúni" múnásibeti menen Taqıyatas rayonı 7-sanlı balalar muzıka hám kórkem-óner mektebinde bayram ilajı bolıp ótti.
Saltanatlı ilajda rayon hákiminiń orınbasarı Uluǵbek Aytımbetov, rayonlıq Mektepke shekemgi hám mektep bilimlendiriwi bóliminiń baslıǵı Mámbetali Tóremuratov, “Nuranıy” qorı Taqıyatas rayonlıq bólimi baslıǵı Aminbay Ersaidov, Respublika ruwxıy-aǵartıwshılıq orayı rayonlıq bólimi baslıǵı Mukarama Djumamurotova basqa da juwapkerler sózge shıǵıp, óz kásibiniń pidayı uztazların qızǵın qutlıqladı.
Ilaj dawamında bir topar joqarı nátiyjelerge erisken, jas áwlad tárbiyasında óz úlesin qosıp kiyatırǵan ustaz hám trenerler rayon hákiminiń minnetdarshılıq xatı hámde bilimlendiriw hám ilim xızmetkerleri kásiplik awqamı rayonlıq bólimi keńesi, rayonlıq mektepke shekemgi hám bilimlendiriw bólimi tárepinen estelik sawǵaları menen sıylıqlandı.
Kórkem óner sheberleriniń atqarǵan quwanıshlı qosıqları, shın júrekten qutlıqlawlar, mehir hám húrmetke bay minutlar hámmege umıtılmas bayram keypiyatın baǵıshladı.