Qaraqalpaqstan Respublikası Taqıyatas rayonı hákimligi

Taqıyatas rayonında máhálleler arasında "Zakovat" intellektuallıq oyını shólkemlestirildi

Ózbekstan Máhálleler awqamı Taqıyatas rayonlıq bólimi, Respublikalıq Ruwxıylıq hám aǵartıwshılıq orayı Taqıyatas rayonlıq bólimi hám "Nuranıy" qorı rayonlıq bólimi baslaması menen "Zakovat" intellektuallıq oyını shólkemlestirildi.

 "Zakovat" intellektuallıq oyının ótkeriwden maqset xalqımızdıń biybaha qádiriyatları hám úrp-ádetlerin, mártlik, maqtanısh sıyaqlı pazıyletlerin úgit-násiyatlaw, máhálleler arasında - xalıq, ásirese jaslar arasında  bilim alıwǵa qızıǵıwshılıq oyatıw hám jámiyette islew kónlikpesin rawajlandırıwdan ibarat.

Intellektuallıq oyın dawamında belsene qatnasqan, nuranıylar hám jaslardıń bilimge bolǵan umtılısı hám jámiyetlik birge islesiwde óziniń intellektuallıq potencialın kórsetken "Aydın jol" máhállesi "Nuranıylar" komandası 1-orındı iyeledi, qatnasqan barlıq komandalarǵa  shólkemlestiriwshiler tárepinen diplom hám estelik sawǵaları tapsırıldı.