Qaraqalpaqstan Respublikası Taqıyatas rayonı hákimligi

Taqıyatasta "Mártlik mektebi"ne qabıl etilgen oqıwshılardıń saltanatlı ant beriw ilajı ótkerildi

Búgin Taqıyatas rayonında jaylasqan áskeriy bólimde "Mártlik mektebi" oqıwshılarınıń saltanatlı ant beriw máresimi bolıp ótti.

Onda rayon hákiminiń orınbasarı Uluǵbek Aytımbetov, Nuraniy qorı Taqıyatas rayonlıq bóliminiń baslıǵı Aminbay Ersaidov, Qurallı Kúshler quramına kiriwshi shólkemlerdiń aymaqlıq basshıları, keń jámiyetshilik hám oqıwshılardıń ata-anaları qatnastı.

Ilajda shıǵıp sóylegenler oqıwshılardı hám olardıń ata-anaların usı saltanatlı máresim menen qızǵın qutlıqlap, jaslarǵa aldaǵı oqıwlarında úlken tabıslar tiledi.

Bul "Mártlik mektebi" oqıwshılardı áskeriy watansúyiwshilik hám ulıwma insanıylıq qádiriyatlarǵa húrmet ruwxında tárbiyalaw, olarda áskeriy xızmetti atqarıwda zárúr bolatuǵın dáslepki áskeriy kónlikpelerdi qáliplestiriw maqsetinde shólkemlestirilgen.