Qaraqalpaqstan Respublikası Taqıyatas rayonı hákimligi

Xalıq deputatları Taqıyatas rayonlıq Keńesiniń gezektegi jetinshi shaqırıq 12-sessiyası bolıp ótti.

Taqıyatas rayonı hákimliginiń májilisler zalında Xalıq deputatları Taqıyatas rayonlıq Keńesiniń gezektegi jetinshi shaqırıq 12-sessiyası bolıp ótti.

Sessiya jumısına rayonlıq Keńes deputatları, máhálle jetiligi hám tiyisli taraw basshıları, jergilikli ǵalaba xabar qurallarınıń wákilleri qatnastı.

Kún tártibindegi gezektegi másele Ózbekstan máhálleleri awqamı Taqıyatas rayonı bóliminiń baslıǵı K.Ametovtıń Máhálleniń sociallıq-ekonomikalıq mashqalaların sheshiw qorınıń 2025-jıl II sherek dáramatları hám qárejetleriniń orınlanıwı boyınsha esabatı tıńlandı hám deputatlar tárepinen sessiya qararı qabıl etildi.

Ózbekstan Respublikası Prezidentiniń "Janılǵı-energiya resurslarınan nızamsız paydalanıw hám bosqa jumsalıwınıń aldın alıw jáne energiya nátiyjeliligin arttırıw boyınsha ilajlardı jetilistiriw haqqında"ǵı PQ-133-sanlı qararınıń rayonda orınlanıwı haqqında Taqıyatas rayonlıq gaz támiynatı bólimi baslıǵı S.Qutlımuratov hám rayonlıq elektr támiynatı baslıǵı T.Jamalovlardıń esabatı tıńlandı hám deputatlar tárepinen qarar qabıl etildi.

Taqıyatas rayonında 2024-2025-jılǵı shor juwıw dáwiri ushın qosımsha suw limitin tastıyıqlaw haqqında Taqıyatas rayonı "Suw jetkerip beriw xızmeti" mámleketlik mákemesi direktorı D.Allamuratovtıń málimlemesi tıńlandı hám sessiya qararı qabıl etildi.

Ózbekstan Respublikası Prezidentiniń "Kámbaǵallıqtan abadanlıqqa" baǵdarlamasın ámelge asırıw boyınsha birinshi gezektegi ilajlar haqqında"ǵı 2024-jıl 23-sentyabrdegi PQ-330-sanlı qararınıń orınlanıwı boyınsha rayonlıq Kámbaǵallıqtı qısqartıw hám bántlikke kómeklesiw bólimi M.Kaipnazarovtıń 2025-jıl II sherek dawamında ámelge asırılǵan jumıslar boyınsha esabatı tıńlandı hám sessiya qararı qabıl etildi.

Xalıq deputatları Taqıyatas rayonlıq Keńesiniń qararına ózgeris kirgiziw haqqında deputatlar tárepinen qarar qabıl etildi.

Qaraqalpaqstan Respublikası Joqarǵı Keńesiniń 2025-jıl 5-avgust kúngi 172-B-sanlı biyligin tastıyıqlaw haqqında rayonlıq Keńes deputatları tárepinen tiyisli qarar qabıl etildi.

Sessiya kún tártibinde 7 másele kórip shıǵıldı hám sessiya qararı qabıl etildi. Usınıń menen xalıq deputatları Taqıyatas rayonlıq Keńesiniń 12-sessiyası óz juwmaǵına jetti.