Hayal-qızlardı qollap-quwatlaw tarawındaǵı jańalıqlar
2025-08-20 22:30:00 / Министрлик
Hayal-qızlardı qollap-quwatlaw tarawındaǵı jańalıqlar
Ózbekstan Respublikasınıń «Shańaraq hám hayal-qızlardı qollap-quwatlaw tarawın jetilistiriw múnásibeti menen Ózbekstan Respublikasınıń ayrım nızam hújjetlerine qosımsha hám ózgerisler kiritiw haqqında»ǵı 2025-jıl 9-aprel kúngi nızamı menen Ózbekstan Respublikasınıń Shańaraq kodeksine qosımshalar kiritilip, oǵan kóre nekeden ajırasıw haqqındaǵı isler kórilip atırǵanında sud shańaraqlıq (sociallıq) zorlıqtan jábirlengen shaxstıń talabına kóre jarasıw ushın múddet tayınlamaslıǵı belgilengen.
Shaxs, qanday jaǵdayda shańaraqlıq (sociallıq) zorlıqta jábirlengen dep esaplanadı.
Ózbekstan Respublikası Hákimshilik juwapkershilik haqqındaǵı Kodeksiniń
592–statyasına kóre, shańaraqlıq (sociallıq) zorlıq, yaǵnıy usı statyanıń birinshi bólimine kóre, hayalına (kúyewine), aldınǵı hayalına (aldınǵı kúyewine), bir shańaraq tiykarında birgelikte jasap atırǵan shaxsqa yamasa ulıwmalıq perzentke iye bolǵan shaxsqa qarata sádir etilgen múlk, tálim alıw, den-sawlıqtı saqlaw hám (yamasa) miynetke baylanıslı huqıqtı ámelge asırıwǵa tosqınlıq etiw, mal-múlkine hám jeke buyımlarına qasttan ziyan jetkiziw, tap sonday usı shaxslar den-sawlıǵınıń jamanlasıwına alıp kelgen tárizde olardıń ar-namısın kemsitiw, olardı qorqıtıw, jaqın qarındaslarınan ajıratıp qoyıw, jınayat belgileri, sonday-aq, usı Kodekste názerde tutılǵan basqa huqıqbuzarlıq belgileri bolmasa, bazalıq esaplaw muǵdarınıń on esesinen jigirma esesine shekem járiyma salıwǵa yamasa on sutkaǵa shekemgi múddetke hákimshilik qamaqqa alıwǵa sebep boladı.
Usı statyanıń ekinshi bólimine tiykar bolsa, hayalınıń (kúyewiniń), aldınǵı hayalınıń (aldınǵı kúyewiniń), bir shańaraq tiykarında birge jasap atırǵan shaxstı yamasa balanı, sonday-aq, ulıwmalıq perzentke iye bolǵan shaxstı urıw, usı shaxslarǵa den-sawlıǵınıń qısqa múddetke jamanlasıwına yamasa miynet qábiletiniń onsha uzaq bolmaǵan múddetke joǵalıwına alıp kelmegen qasttan denege jeńil jaraqat jetkeriw, bazalıq esaplaw muǵdarınıń on esesinen jigirma esesine shekemgi muǵdarında járiyma salıwǵa yamasa on bes sutkaǵa shekemgi múddetke hákimshilik qamaqqa alıwǵa sebep boladı.
Usı Nızam shańaraqlıq (sociallıq) zorlıqtan jábirlengen shaxslardıń huquqları hám nızamlı máplerin qorǵawdı jánede kúsheytiwge xızmet etedi.
Nókis rayonlar aralıq hákimshilik
sudınıń sudya járdemshisi A.Kenesbaeva