Taqıyatas rayonında gezektegi kóshpeli qabıllaw ótkerildi
2026-11-07 15:55:00 / Министрлик
Xalıqtıń mashqalaların ornında úyreniw hám olarǵa operativ sheshim tabıw maqsetinde Taqıyatas rayonı hákimi I.Sdikov, rayon prokurorı A.Kipshakbaev hám rayonlıq IIB baslıǵı Sh.Ismoilovtıń qatnasıwında "Keneges" APJ imaratında puqaralar ushın kóshpeli qabıllaw shólkemlestirildi.
Ashıq hám qızǵın sáwbet túrinde ótken ilajda aymaq xalqı tárepinen infrastrukturanı jaqsılaw, bántlikti támiyinlew, kommunallıq taraw, medicinalıq xızmet hám basqa da sociallıq-ekonomikalıq máseleler boyınsha kóplegen múrájatlar kelip tústi.
Sáwbetlesiw dawamında puqaralardıń mashqalaları birme-bir tıńlanıp, olardıń kópshiligi ornında óz sheshimin taptı. Qosımsha úyreniw hám waqıt talap etetuǵın múrájatlar boyınsha tiyisli juwapker shólkem basshılarına anıq tapsırmalar berildi hám olardıń orınlanıwı rayon basshıları tárepinen ayrıqsha qadaǵalawǵa alındı.
Bunday ashıq sóylesiwler xalıqtıń abadanlıǵın arttırıw hám xalıqtı qıynap atırǵan máselelerdi operativ sheshiwge xızmet etpekte.