♟ Qábiletli shaxmatshımız Ózbekstan chempionatında sıylı orındı iyeledi!
2026-10-29 14:50:00 / Министрлик
Tashkent qalasındaǵı Xalıqaralıq shaxmat akademiyasında ótkerilgen para shaxmat boyınsha Ózbekstan chempionatı juwmaqlandı.
Jarısta qatnasıwshılar 9 tur dawamında Shveycariyalıq sistema tiykarında, 90 minut hám hár bir júris ushın qosımsha 30 sekund waqıt qadaǵalawı astında jeńimpazlıq ushın bellesiw alıp bardı.
Quwanıshlısı, Taqıyatas rayonı Sport mektebi treneri A.Toraevanıń shákirti Sh.Atamuratov sıylı 2-orındı iyelep, chempionattıń gúmis medalına miyasar boldı.
Bul nátiyje menen sportshımızdı hám onıń ustazın qızǵın qutlıqlaymız. Aldıńǵı jarıslarda da úlken tabıslar tileymiz!