Taqıyatas rayonında ruwxıy-aǵartıwshılıq jumıslardıń nátiyjeliligi dodalandı
2026-10-28 17:30:00 / Министрлик
Qaraqalpaqstan Respublikası Joqarǵı Keńesi janındaǵı Jergilikli hákimiyat wákillikli uyımları hám mámleketlik shólkemler jumısınıń ashıq-aydınlıǵın támiyinlew máseleleri boyınsha komitet baslıǵı Sh. Otemisovtıń basshılıǵında májilis bolıp ótti.
Onda Taqıyatas rayonı Ruwxıylıq hám aǵartıwshılıq keńesiniń 2026-jıldıń 10 ayı dawamında ruwxıy-aǵartıwshılıq hám tárbiyalıq jumıslardıń nátiyjeliligin arttırıw jáne sociallıq-ruwxıy ortalıqtıń turaqlılıǵın támiyinlewge qaratılǵan 7 bólim hám 45 bántten ibarat "Jol kartası"nıń orınlanıwı dodalandı.
Sonday-aq, kárxana hám shólkemlerde ruwxıy-aǵartıwshılıq jumıslardıń jaǵdayın monitoring etiw hám belgilengen wazıypalardıń orınlanıwın támiyinlew máseleleri kórip shıǵıldı.