Taqıyatas rayonında “máhálle jetiligi” aǵzaları ushın oqıw-seminarı ótkerildi
2026-10-27 18:50:00 / Министрлик
Taqıyatas rayonında Ózbekstan Respublikası Prezidentiniń 2026-jıl 24-iyundegi “Máhálle basqarıwın nátiyjeli shólkemlestiriwge baylanıslı qosımsha ilajlar haqqında”ǵı PQ-116-sanlı qararınıń orınlanıwın támiyinlew maqsetinde “Máhálle jetiligi” aǵzaları ushın oqıw-seminarı shólkemlestirildi.
Seminar dawamında máhállelerde basqarıw sistemasın nátiyjeli jolǵa qoyıw, ámelge asırılıp atırǵan reformalardıń mazmun-mánisin túsindiriw, sonday-aq, “Máhálle jetiligi” aǵzalarınıń bilim hám ámeliy kónlikpelerin arttırıw máselelerine ayrıqsha itibar qaratıldı.
Sonday-aq, máhállelerde jumıslardı nátiyjeli shólkemlestiriw, aldıńǵı tájiriybelerdi úyreniw hám ámeliyatqa engiziw boyınsha pikir-usınıslar bildirildi.
Bunday oqıw-seminarları máhálle sisteması jumısın bunnan bılay da jetilistiriw, xalıqtıń mashqalaların ornında sheshiw hám puqaralar menen islesiw nátiyjeliligin arttırıwǵa xızmet etedi.
___