Zulfiya atındaǵı mámleketlik sıylıqtıń rayonlıq basqıshı ótkerildi
2026-10-27 10:30:00 / Министрлик
Qızlardıń ilim, bilimlendiriw, mádeniyat, kórkem óner hám sport tarawlarındaǵı potenciyalın kórsetiw, qábiyletli jaslardı qollap-quwatlaw hám olardıń jetiskenliklerin múnásip xoshametlew maqsetinde Zulfiya atındaǵı Mámleketlik sıylıqtıń rayonlıq basqıshı bolıp ótti. Onda rayon hákiminiń orınbasarı, Shańaraq hám hayal-qızlar bóliminiń baslıǵı M.Allambergenova qatnasıwshılardı qutlıqlap, tańlawdıń jaslar turmısındaǵı áhmiyetine toqtap ótti.
Tańlawda rayondaǵı ulıwma bilim beriw mektepleriniń oqıwshıları hám joqarı bilimlendiriw mákemeleriniń studentleri ózleriniń ilim, mádeniyat, sport hám jámiyetlik jumıs baǵdarlarındaǵı bilim hám potencihalı, erisken jetiskenliklerin tóreshiler quramına usındı.
Qatnasıwshılardıń umtılısı, izlenisleri hám erisken nátiyjeleri bahalanıp, tańlaw jeńimpazları anıqlandı. Tańlaw juwmaǵında qatnasıwshılar húrmet jarlıǵı menen sıylıqlandı.