Taqıyatas rayonında «ULÍWMA MILLIY DIKTANT» tańlawı ótkerildi
2026-10-15 14:55:00 / Министрлик
Taqıyatas rayonı Ruwxıy-aǵartıwshılıq orayında 21-oktyabr — Ózbek tili bayramı kúni múnásibeti menen mámleketlik tildi rawajlandırıw, ana tilimizge bolǵan húrmet-itibardı jáne de arttırıw, xalıqtıń sawatlılıǵın joqarılatıw maqsetinde “ulıwma milliy diktant” tańlawı ótkerildi.
Bul joybar mámleketlik tildiń abırayın arttırıw, ózbek ádebiy tili normalarına ámel etiw mádeniyatın joqarılatıw hám jazba sawatlılıqtı bekkemlewge qaratılǵan.
Ilajda rayon hákiminiń ruwxıylıq hám mámleketlik til máseleleri boyınsha másláhátshisi B.Perdebayeva, Respublikalıq Ruwxıylıq hám aǵartıwshılıq orayı Taqıyatas rayonlıq bóliminiń baslıǵı M.Djumamuratova qatnastı.
Tańlawda rayondaǵı mákeme hám shólkem xızmetkerleri belsene qatnastı. Qatnasıwshılar ózbek ádebiy tiliniń imla hám grammatikalıq normaları boyınsha bilimlerin sınaqtan ótkerip, diktant jazıw arqalı sawatlılıq dárejelerin kórsetti. Eń joqarı nátiyjelerdi kórsetken qatnasıwshılar rayon hákimligi tárepinen tayarlanǵan húrmet jarlıqları hám estelik sawǵaları menen sıylıqlandı.
—