ÓZBEK TILI BAYRAMÍ MÚNÁSIBETI MENEN TAŃLAWLAR ÓTKERILDI
2026-10-08 10:30:00 / Министрлик
Usı jıldıń 8-oktyabr kúni Taqıyatas rayonında 21-oktyabr - Ózbek tili bayramı kúni múnásibeti menen rayonımızdaǵı 1-sanlı ulıwma orta bilim beriw mektebinde "Ózbek tili bilimdanı" hám "Ózbek tilinde jazılǵan eń jaqsı shıǵarma" tańlawları ótkerildi.
Tańlawlarda rayondaǵı barlıq ulıwma orta bilim beriw mekteplerinen belsendi hám qábiletli oqıwshılar qatnastı. Qatnasıwshılar óz bilim hám sheberliklerin shıǵarma jazıw, qosıq hám naqıl-maqallar aytıw, sonday-aq, test sorawlarına juwap beriw sıyaqlı shártler tiykarında kórsetti.
Tańlaw juwmaqlarına bola, eń joqarı bal toplaǵan qatnasıwshılar Respublika basqıshına jollama aldı. Keyingi orınlardı iyelegen oqıwshılar bolsa rayonlıq Ruwxıylıq hám aǵartıwshılıq bólimi tárepinen tayarlanǵan Húrmet jarlıqları menen sıylıqlandı. Barlıq qatnasıwshılardı múnásip qatnasqanı menen qutlıqlap, Respublika basqıshında qatnasatuǵın oqıwshılarǵa áwmet hám úlken tabıslar tilep qalamız!