Ilajda Sanlı texnologiyalar ministrliginiń Qaraqalpaqstan Respublikası aymaqlıq basqarması qánigeleri tárepinen elektron mámleketlik xızmetlerden paydalanıw tártibi boyınsha tolıq maǵlıwmatlar berildi. Seminar dawamında qatnasıwshılarǵa my.gov.uz - Birden-bir interaktiv mámleketlik xızmetler portalınıń imkaniyatları hám abzallıqları, onnan paydalanıw tártibi jáne hár qıylı mámleketlik xızmetlerdi aralıqtan turıp alıw imkaniyatları túsindirildi.

Sonday-aq, portal arqalı waqıttı únemlew, artıqsha gezek hám qaǵazpazlıqtıń aldın alıw jáne mámleketlik xızmetlerden qolaylı hám operativ paydalanıw imkaniyatları ámeliy mısallar tiykarında kórsetildi.

Bunday seminar-treningler xalıqtıń sanlı sawatlılıǵın arttırıw, elektron mámleketlik xızmetlerden nátiyjeli paydalanıw kónlikpelerin qáliplestiriw hám sanlı xızmetlerden paydalanıw imkaniyatların keńeytiwge xızmet etedi.