⚡️ JEŃIS PENEN QAYTQAN SELBI KAKISHOVA SALTANATLI KÚTIP ALINDI
2026-10-06 10:30:00 / Министрлик
Ózbekstan sportı abırayın múnásip qorǵap, Shaxmat Paralimpiadasında bronza medalın qolǵa kirgizgen, sonday-aq, "Mártlik" ordeni menen sıylıqlanǵan Selbi Kakishovanı saltanatlı kútip alıw máresimi bolıp ótti.
Ilajda Qaraqalpaqstan Respublikası Joqarǵı Keńesiniń tiyisli komitetleriniń baslıqları M.Atamuratov hám A.Atajanov, Taqıyatas rayonı hákiminiń birinshi orınbasarı S.Allambergenov, Qaraqalpaqstan Respublikası sport ministri E.Qutıbaev, Jaslar isleri basqarmasınıń baslıǵı P.Maxsetbayev hám keń jámiyetshilik wákilleri qatnastı
Ilajda Selbi Kakishovaǵa erisken jetiskenligi múnásibeti menen estelik sawǵaları tapsırıldı hám onıń xalıqaralıq maydandaǵı jetiskenligi atap ótildi. Ilaj sońında sportshınıń húrmetine gala-koncert baǵdarlaması bolıp ótti.