Ózbekstan Respublikasında viza alıw tártipleri xalıq aralıq shártnamalardı ózinde ratifikaciya etken halda sistemaǵa keltirilgen bolıp, bunda xalıq aralıq shártnamalardan kelip shıqqan halda óz ishki nızamshılıqların ámelge engizgen.
Solardan tiykarǵı eń sońǵı ózgerislerden biri viza múddetin sozıw bolıp esaplanadı. Viza múddetin sozıw xızmetinen elektron tárizde paydalanıw múmkinshiligi búgingi kúnde joqarı dárejedegi qolaylıqlarǵa iye halda jaratılǵan.
Endi arzalar tek ǵana wákillikli uyımǵa tikkeley kelip ǵana emes, al Birden-bir interaktiv mámleketlik xızmetler portalı arqalı da beriliwi múmkin.
Wákillikli uyım: Ózbekstan Respublikası Ishki isler ministrligi Migraciya hám personallastırıw departamenti hám aymaqlıq ishki isler uyımları.
Xızmetten paydalanıwshılar: Ózbekstan Respublikasında waqtınsha bolıp turǵan sırt el puqaraları hám puqaralıǵı bolmaǵan shaxslar.
Mámleketlik xızmet kórsetkeni ushın "Mámleketlik bajı haqqında"ǵı Nızamda belgilengen muǵdarlarda bajı tólenedi.
Arza viza múddeti tamamlanıwına keminde 10 kún qalǵanda beriliwi kerek.
Tiykar: Ministrler Kabinetiniń 2025-jıl 7-iyuldegi 417-sanlı qararı.

T.Baymbetov
Taqiyatas rayoni Ádillik bólimi
Mámleketlik xızmetler orayı
bas qánigesi.