Taqıyatas rayonındaǵı "Aydın jol" balalar salamatlandırıw dem alıw orayında 4-máwsimniń jabılıw máresimi bolıp ótti.
2026-07-30 10:35:00 / Министрлик
Ilajda Balalardıń dem alıwın hám salamatlandırılıwın shólkemlestiriw departamenti direktorınıń birinshi orınbasarı X.Umarov, Taqıyatas rayonı hákiminiń birinshi orınbasarı S.Allambergenov, rayon prokurorı A.Kıpshakbaev, rayonlıq IIB baslıǵı Sh. Ismoilov hám dem alıw orayınıń direktorı D.Babajanova qatnastı.
Ilaj dawamında dem alıw ornı jumısın nátiyjeli shólkemlestiriwge múnásip úles qosqan bir topar shólkemlestiriwshiler sertifikatlar menen sıylıqlandı. Sonday-aq, dem alıw orayı tárbiyalanıwshıları tárepinen tayarlanǵan kórkem shıǵıwlar kórsetildi. Ilaj sońında rayonlıq Mádeniyat bólimi kórkem óner sheberleri tárepinen koncert baǵdarlaması qoyıp berilip, máwsim saltanatlı túrde juwmaqlandı.