Taqıyatas rayonı Xalıq qabıllawxanasında rayon hákiminiń birinshi orınbasarı S.Allambergenov puqaralar menen ushırasıp, olardıń múrájatları, pikir hám usınısların tıńlaw maqsetinde gezektegi kóshpeli qabıllawın ótkerdi.
2026-07-24 14:55:00 / Министрлик
Qabıllaw dawamında aymaq turǵınlarınıń túrli tarawlarǵa baylanıslı mashqalaları menen bir qatarda pikir-usınısları tıńlandı. Múrájatlarda tiykarınan ishki jollardı ońlaw, elektr tarmaqların jańalaw hám basqa da máhálle infrastrukturasın jaqsılawǵa qaratılǵan áhmiyetli máseleler kóterildi.
Qabıllaw juwmaǵında kelip túsken múrájatlardı belgilengen múddetlerde úyrenip shıǵıw hám olardıń orınlanıwın támiyinlew boyınsha tiyisli taraw juwapkerlerine anıq wazıypalar júklendi.