Janajan Watanımızdıń kóp mıń jıllıq tariyxında jańa dáwir - erkinlik hám azatlıq, milliy tikleniw hám rawajlanıw dáwiri baslandı. Biz búgin xalqımızdıń erk-ıqrarı menen tańlap alǵan, ǵárezsizlik jıllarında basıp ótken awır hám mashaqatlı, sonıń menen birge, oǵada maqtanıshlı jolımızdı juwmaqlar ekenbiz, tariyxıy qısqa dáwirde óz táǵdirimizdi ózimiz sheshiw, dúnya jámiechiliginde múnásip orın ielew, milliy mámlekechiligimizdi, ázeliy qádiriyat hám úrp-ádetlerimizdi, muqaddes dinimizdi tiklew, insan huqıqları menen erkinliklerin támiyinlew baǵdarında úlken jetiskenlik hám sheklerdi qolǵa kirgizgenimizdi maqtanısh penen aytamız. Álbette, bul jetiskenliklerdi qolǵa kirgiziwde Birinshi Prezidentimiz Islam Ábdiǵanievich Kárimovtıń tariyxıy xızmetleri sheksiz bolǵanın búgin bárshemiz, pútkil xalqımız tákirarlap eslewi tábiyǵıy.

Búgin bárshemiz bir pikirde birgeymiz: Birinshi Prezidentimizdiń Watan hám mámleket aldındaǵı ullı tariyxıy xızmetleri, óshpes esteligi xalqımızdıń qálbinde máńgi jasaydı. Elimizde tınıshlıq hám tatıwlıqtı, xalqımızdıń múnásip turmısın támiyinlew baǵdarında búgin aldımızda jáne de áhmietli wazıypalar turǵanın biz hár tárepleme tereń ańlaymız. Dúnya kóleminde báseki barǵan sayın kúsheyip baratırǵan búgingi keskin dáwir bárshemizden jańasha islewdi hám pikirlewdi, joqarı dárejede mobilizaciyalawdı talap etpekte. Aldımızda turǵan mine usı úlken wazıypalardan kelip shıǵıp, mámleketimizdiń rawajlanıwın jańa basqıshqa kóteriw maqsetinde 2017-2021-jıllarda Ózbekstan Respublikasın rawajlandırıwdıń bes tiykarǵı baǵdarı boyınsha Háreketler strategiyası qabıl etildi.

Bul strategiyada mámleketlik hám jámietlik qurılıstı jetilistiriw, nızam ústinligin támiyinlew hám sud-huqıq sistemasın reformalaw, ekonomika hám sociallıq tarawdı bunnan bılay da rawajlandırıw, qáwipsizlik, milletleraralıq tatıwlıq hám diniy keńpeyillikti támiyinlew, tereń oylanǵan, óz-ara paydalı hám ámeliy ruwxtaǵı sırtqı siyasattı izbe-iz dawam ettiriw sıyaqlı máseleler rawajlanıwımızdıń tiykarǵı baǵdarları sıpatında belgilep alındı.

Háreketler strategiyasında "Xalıq mámleketlik uyımlarǵa emes, al mámleketlik uyımlar xalqımızǵa xızmet etiwi kerek" degen princip mámleketlik siyasattıń eń tiykarǵı baǵdarlarınan birine aylanǵanı álbette, biykarǵa emes.

Nókis rayonlar aralıq

hákimshilik sudınıń baslıǵı                                           R.Jumabaev