Taqıyatasta "Máhállede abadanlıq hám miyrim-shápáát aylıǵı"na start berildi
2026-07-17 15:55:00 / Министрлик
2026-jıl - "Máhálleni rawajlandırıw hám jámiyetti jetilistiriw jılı" jáne Watanımız ǵárezsizliginiń 35 jıllıǵı múnásibeti menen watanlaslarımız arasında "Bir Watan, bir xalıq bolıp, jańa turmıs hám keleshek jaratamız" ideyası keńnen úgit-násiyatlanbaqta. Usı múnásibet penen, rayonımızda da eń ullı, eń áziz bayramdı kóterińki ruwxta kútip alıw maqsetinde «Máhállede abadanlıq hám miyir-shápáát aylıǵı» baslandı.
Ilajdıń ashılıw saltanatında Taqıyatas rayonı hákimi I.Sdikov sózge shıǵıp, bul iygilikli jumıslar bir aylıq akciya emes, al jıl dawamında dawam etetuǵın ulıwma milliy háreketke aylanıwı zárúrligin atap ótti. Ilajǵa rayon prokurorı A.Kıpchakbaev, IIB baslıǵı Sh.Ismoilov hám de Salıq inspekciyası baslıǵı K.Daniyarovlar qatnastı.
Aylıq sheńberinde rayondaǵı barlıq kósheler, máhálleler, sociallıq taraw obyektleri, qábirstanlar, kanal hám ishki jollar tártipke keltiriledi. Sonday-aq, aymaqlarda terek hám gúl nálleri egilip, jasıl maydanlar bunnan bılay da keńeytiriledi.