KIBERJÍNAYATQA QARSI GÚRESIW — DÁWIR TALABI
2026-06-23 10:50:00 / Министрлик
Taqıyatas rayonı 4-sanlı ulıwma bilim beriw mektebinde kiberjınayatshılıqtıń aldın alıw hám sanlı mádeniyattı rawajlandırıwǵa baǵdarlanǵan ámeliy seminar bolıp ótti.
Ilajda Taqıyatas rayonı hákiminiń sanlı texnologiyalar hám jasalma intellekt texnologiyaların rawajlandırıw máseleleri boyınsha másláhátshisi A.Tursimambetov sózge shıǵıp, oqıwshı-jaslar hám muǵallimlerge internet tarmaqlarınan qáwipsiz paydalanıw boyınsha áhmiyetli usınıslar berdi.
Bul seminar hám úgit-násiyatlaw ilajları Ózbekstan Respublikası Prezidentiniń 2025-jıl 30-apreldegi «Informaciyalıq texnologiyalar járdeminde ámelge asırılatuǵın jınayatlarǵa qarsı gúresiw iskerligin jánede kúsheytiwge baǵdarlanǵan ilajlar haqqında»ǵı PQ-153-sanlı qararınıń orınlanıwın támiyinlew, xalıqtıń sanlı sawatlılıǵın asırıw hám kiber-qáweterlerden qorǵaw maqsetinde sistemalı túrde shólkemlestirilip atır.