Taqıyatas rayonı hákimliginiń májilisler zalında kiberqáwipsizlik máselelerine baǵıshlanǵan oqıw seminarı shólkemlestirildi.
2026-06-17 14:50:00 / Министрлик
Ilajda Taqıyatas rayonı hákimi I.Sdikov, Qaraqalpaqstan Respublikası Ishki isler ministrligi Kiberjınayatlarǵa qarsı gúresiw basqarması baslıǵı, mayor D.Seytmuratov, rayon prokurorı A.Kıpshakbaev sonday-aq, rayondaǵı mákeme hám kárxana basshıları qatnastı.
Seminardıń tiykarǵı maqseti - búgingi kúnde keń tarqalıp atırǵan kiber aldawshılıq jaǵdayları, olardıń aldın alıw ilajları hám málimleme qáwipsizligin támiyinlew boyınsha túsinikler beriwden ibarat boldı.
Ilaj dawamında qánigeler tárepinen aldawshılar tárepinen qollanılıp atırǵan hár qıylı usıllar, sonıń ishinde, jalǵan qońırawlar, gúmanlı siltemeler jiberilgen SMS xabarlar, messendjerler arqalı tarqatılıp atırǵan zıyanlı fayllar hám basqa da kiberqáwip túrleri haqqında tolıq maǵlıwmat berildi.