Búgin Taqıyatas rayonı prokurorı A.Kıpshakbaev tárepinen «Doslıq» MPJ aymaǵında kóshpeli qabıllaw ótkerildi.
2026-06-10 14:55:00 / Министрлик
Bul kóshpeli qabıllawda puqaralardıń túrli tarawlarǵa baylanıslı múrájatları tıńlandı. Tiykarınan máhálleler infrastrukturasın jaqsılaw, miynet hám sociallıq máseleler, sonday-aq, turmıs sharayatın jaqsılawǵa baylanıslı múrájatlar bildirildi.
Qabıllaw dawamında prokuror múrájat etiwshilerdiń hár bir máselesin nızamshılıq sheńberinde hár tárepleme úyrenip shıqtı. Sonıń menen birge, basqa da máseleler boyınsha juwapker shólkemler hám uyımlarǵa anıq tapsırmalar berilip, olardıń orınlanıwı qatań qadaǵalawǵa alındı.
Sonday-aq, qabıllaw dawamında puqaralarǵa ámeldegi nızam hújjetleriniń mazmun-mánisi haqqında túsinikler berilip, huqıqıy másláhátler de berildi.