Taqıyatas rayoni Ishki isler bo'limi baslıǵı podpolkovnik Shaxriyor İsmailovtıń Taqıyatas rayoni turǵınlarına Kiberjınayatlardan sergek bolıw baǵdarında qala turǵınları hám miymanlarına múrájatı
2026-06-08 11:30:00 / Министрлик
Húrmetli puqaralar!
Sońǵı waqıtlarda qalamız aymaǵında kiberjınayatlar sanı artıp barmaqta.
Atap aytqanda, Taqıyatas rayonı aymaǵında búgingi kúnge shekem jámi
55 puqara 454 mln sumnan aslam pullarınan ayırılǵanı haqqında ishki isler organlarına múrájat etken.
Múrájatlardı analizlegimizde, onıń tiykarǵı sebeplerinen biri puqaralardıń elege shekem Telegramnan kelgen zıyanlı qosımshalardı hám siltemelerdi júklep alıwı, pul kóbeytip beremiz degen aldamshılarǵa iseniwi, qolına almaǵan yaki kórsetilmegen xızmet ushın aldınnan pul ótkizip aldanıwı, sonday-aq, ózin bank yaki XMQO xizmetkeri dep tanıstırǵan shaxslarǵa isenip, jeke maǵlıwmatların aytıp qoyıwı sıyaqlı jaǵdaylar menen baylanıslı.
Húrmetli puqaralar,
- Telegramnan kelgen zıyanlı APK fayllardı ashpań,
- pul kóbeytip beremiz degen jalǵan treyderlerge isenbeń,
- onlayn sawda qılıwda tek isenimli platformalardan paydalanıń,
- Ózin bank yaki XMQO xizmetkeri dep ataǵan shaxslarǵa jeke maǵlıwmat hám tastıyıqlawshı kodlardı aytpań.
Sonı umıtpań, óz qáwipsizligińiz óz qolıńızda.