Qaraqalpaqstan Respublikası Taqıyatas rayonı hákimligi

Húrmetli fermerler,

Awıl xojalıǵı tarawında ámelge asırılıp atırǵan keń kólemli reformalar awıl xojalıǵı islep shıǵarıwshılarınıń máplerin arttırıw, suw hám jer resurslarınan aqılǵa uǵras paydalanıw, óndiriske zamanagóy texnologiyalardı jedel engiziw, nátiyjeli qarjılay qollap-quwatlaw arqalı diyqan hám fermerlerdiń awırın jeńilletiwge qaratılmaqta.

Atap aytqanda, Mámleketimiz basshısınıń 2026-jıl 8-maydaǵı "Ǵawasha hám biyday jetistiriwshilerdi qarjılay qollap-quwatlawdıń qosımsha ilajları haqqında"ǵı PP-82-sanlı Pármanı menen Siz fermer hám klasterlerge bir qatar jeńillikler berildi.
birinshiden, shártnamada belgilengen múddette qaytarǵan xojalıqlarǵa usı kreditler boyınsha tólengen procent tóleminiń 2,5 procentin, ónim jılı juwmaǵına shekem (tiyisli jıldıń 31-dekabrine shekem) qaytarǵan xojalıqlarǵa usı kreditler boyınsha tólengen procent tólemleriniń 5 procentin jáne biyday jetistiriw qárejetleri ushın ajıratılǵan jeńilletilgen kreditlerdi ónim jılı 1-avgustına shekem tolıq qaytarǵan xojalıqlarǵa usı kreditler boyınsha tólengen procent tóleminiń 4 procentlik punkt qarjıları fermer xojalıqlarına qaytarıp beriledi, yaǵnıy, Siz fermerlerdiń qarjıları únemlenip, ekonomikalıq imkaniyatlarıńız artıp atır;

Paxtashılıqta joqarı zúráát alıw, bárinen burın, diyqan hám fermerler, paxta klasterleri jáne taraw pidayılarınıń kúni-túni islengen mashaqatlı miynetiniń, sonday-aq, puqta oylanǵan reformalar hám ilimiy qatnaslar tiykarında óz nátiyjesin beretuǵının hámmemiz sezip turmız.
Usı jılı rayonımız boyınsha 3 mıń 900 gektar maydanda sonnan, 1 mıń 45 gektardan aslamı Shinjan usılında shigit egip, joqarı zúráát alıw boyınsha atızlarda qızǵın jumıs alıp barılmaqta.
Bárshemiz jaqsı túsinemiz, házirgi oǵada qıyın klimat sharayatında kóplegen sınaq hám qıyınshılıqlarǵa qaramastan, ásirese, bıyıl iyun-iyul ayları hár jılǵıdan da jawınlı hám oǵada ıssı keliwi kútilip atırǵanı biz diyqan-fermerler hám klaster kárxanaları tárepinen hár qashanǵıdan da kóbirek juwapkershilik penen miynet etiwdi dáwir talap etpekte.

Áziz fermerler!
Keliń, elimizdiń rawajlanıwı ushın birgelikte háreket eteyik, 2026-jıl 1-iyunnan baslap "Áhmietli 30 kúnlik" dawamında agrotexnikalıq ilajlardı shın kewilden ámelge asırıp, joqarı zúráát hám joqarı dáramat ushın bekkem tiykar jaratayıq!
Bunıń ushın hár bir fermer xojalıǵı óz atızında bolıp, ǵawashanı qayta islew, tárbiyalaw baǵdarında taraw ilimpazları, qánigeleri hám tájiriybeli ustaz fermerlerdiń usınısı tiykarında sistemalı jumıslardı shólkemlestiriw zárúr boladı.
Xalqımız Sizdey miynetkesh diyqan hám fermerler, sheber suwshı
hám irrigatorlar, óz isiniń haqıyqıy sheberi bolǵan mexanizator
hám agronomlar, jankúer ilimpaz hám izertlewshiler, klaster xızmetkerleri tımsalında mine, usınday pidayı insanlardı kóredi hám el-jurt dasturxanın molshılıq etiw jolındaǵı abıraylı hám ullı miynetińizdi joqarı qádirleydi.

Joqarıdaǵılardan kelip shıǵıp, ǵawashanıń joqarı zúráátin alıw ushın iyun-iyul aylarında, yaǵnıy usı jıldıń 1-iyuninen 1-iyulge shekem "Áhmiyetli 30 kúnlik dáwirde" Siz fermerler tárepinen agrotexnikalıq ilajlardı ámelge asırıw zárúrligi qosımsha dáramat alatuǵının júrekten sezinip, tómendegi ilajlarǵa hár qashanǵıdan da zıyat juwapkershilik penen qatnas jasawıńız soraladı:
birinshiden, paxta atızlarıńızdı jabayı shóplerden tazalawdı shólkemlestiriń, bunıń ushın bárinen burın barlıq jumısshılarıńızǵa sharayat jaratıp, súrimshilerdi atızǵa mobilizaciya etiń hám hár bir fermer xojalıǵı paxta hám ǵálle maydanları átirapın jabayı shóplerden, shóp-sharlardan tazalaw, atız mádeniyatına ámel etiń;

ekinshiden, shet el sortı egilgen (eki genli) maydanlarǵa tolıq glifosat sebiwdi shólkemlestiriń, bunıń ushın birinshi glifosat preparatınıń rezervin jaratıń hám de bar 24 dana OVX purkashların atızǵa shıǵarıń;
úshinshiden, sozılmalı jawın-shashınnan keyin hawa almasıwı jamanlasqan hám ashshı ızǵar kóbeygen maydanlarda dala sharayatınan kelip shıǵıp, qatar araların 30-35sm tereń jumsartıw hám 10-16 sm tereńlikte (kultivaciya) islew;
Qator araların kultivaciyalawda traktorlardı tómen tezlikte, bir tegislikte júrgiziń;
Bar 35 dana shuqır jumsartqıshlar hám 68 dana kultivatorlardı tolıq atızǵa mobilizaciya etiń. Olardıń jumis ónimdarlıǵın arttırıń;
Mexanizatorlar ushin atızdıń ózinde qolaylı sharayatlar jaratıp beriń (ishimlik suwı, ıssı awqat, shay hám t.b.);

tórtinshiden, ǵawasha maydanların azotlı mineral tóginler menen gektarına 250 kg nan ekinshi azıqlandırıw jumısların ámelge asırıń;
Bunıń ushın talap etiletuǵın 975 tonna azotlı tóginler rezervin tolıq jaratıw zárúr.
Paxta maydanların gektarına 200 kg nan azotlı mineral tóginler menen úshinshi azıqlandırıw jumısların ámelge asırıń hám talap etiletuģın mineral tóginler rezervin jeterli muģdarda jaratıw ilajların kóriń.
besinshiden, Ǵawasha maydanlarında shire-tripslerge qarsı gúresiw ilajların alıp barıw;
Ǵawasha maydanların óz aldına qadaǵalawǵa alıp, shira-trips tarqalgan maydanlardı biologiyalıq qayta islewlerden ótkeriń;
Zıyankes normadan kóp bolsa ximiyalıq gúresiw sharaların qollanıń;
Órmekshi qurtına qarsı profilaktikalıq gúresiw ilajların ámelge asırıń;

Ǵawashanıń ósiw dáwirinde kúkirt untaǵın shańlatıw, 0,5-1 OOK qaynatpası (ISO) menen islew beriw hám órmekshi kene tarqalıwı qáwipi bar bolǵan ǵawasha maydanların suwǵarıw normasın qadaǵalawǵa alıw;
Órmekshilerdiń tarqalıwı boyınsha paxta maydanlarında baqlaw-qadaǵalaw jumısların alıp barıń, zıyankes anıqlanǵanda arnawlı akaricidler menen ximiyalıq islewler ótkeriń;
altınshıdan, ǵawashanıń stressten shıǵıwı hám rawajlanıwın jedellestiriw maqsetinde iyun ayında keminde eki márte tolıq aminokislotalar, mikroelementler hám biologiyalıq aktiv kompleksler saqlawshı preparatlar hám karbomidli suspenziya sebiwdi ámelge asırıw;
Jetinshiden, ǵawashanıń ǵawlap ketiwiniń aldın alıw, buwın aralıǵın 3-4 sm den asırmaw hám de zúráát alıwdı tezlestiriw maqsetinde 4-5-shińģil japıraq dáwirindegi ǵawashaǵa 5-6 gr, gúllew dáwirinde bolsa 10-15 gr nan ósiwdi basqarıwshı (Entojean, Sojean) preparatları menen islew ótkeriń;

Segizinshiden, Suwdıń jetispewshiligin esapqa alǵan halda hár bes gektar maydanǵa bir sherbet uraların (ándek) qazıw, gektarına 5 tonnadan jámi 19 mıń 500 tonna jergilikli tóginlerdi atızǵa shıǵarıp, tek ǵana sherbet usılında suwǵarıwdı shólkemlestiriw;
Suwǵarıw jumıslarına suwshılardı tolıq tartıp, suwǵarıw jumısların aqırǵı qulaqtan gezekpe-gezek shólkemlestirip, fermerbay sistemasında hám tek ǵana sherbet usılında suwǵarıw jáne túngi suwǵarıw jumıslarına ayrıqsha itibar qaratıń;
Suwgariw jumıslarında qatnasatuģın suwshılarģa qolaylı sharayatlar jaratıp beriń (ishimlik suwı, ıssı awqat, shay hám t.b.);
toǵızınshıdan, Sincan usılında egilgen maydanlarda tamshılatıp suwǵarıwdı engiziń;
onınshıdan, ǵawashanıń 2-3 shın japıraq shıǵarǵanında organikalıq biopreparatlar, ximiyalıq zatlar (gumin, gumimaks, NVK, ifo, PZN, Bioduks hám basqalar) biologiyalıq stimulyatorlar menen qosımsha islew beriń, ǵawashanıń erte pisetuǵınlıǵın hámde paxtadan 50 centner ónim alıwǵa erisiń;

on birinshiden,Mavjud 2 biolaboratoriyangizda biomahsulotlarni sifatli va uzluksiz kwpaytirish uchun ozuqa zaxirasini yarating,
onda, iyun ayında 24 kg Trixogramma, 32 mln Altınkóz hám 16 mln Brakon entomofagların kóbeytip, profilaktika maqsetinde atız shetlerine gektar esabında 1000-2000 danadan (10X10 sxemada 100 noqatqa) altınkóz entomofagın;
Górek qurtınıń hárbir áwladınıń máyeklerine qarsi trixogrammanı 3-4 kún aralap 3 márte 1grammnan (5X5 sxemada gektarına 400 noqatta) tarqatıń;
on ekinshi, hár bir fermer xojalıǵınıń basshısı paxtashılıq klaster kárxanaları menen birgelikte jumıslardı jáne de jedellestirip, joqarıdaǵı ilajlardı ámelge asırıp, bıyıl ǵawasha zúráátin 50 centner joqarı alıp, joqarı dáramat alıwǵa erisiń hám Prezidentimiz qararında belgilengen jeńilliklerden paydalanıń.
Húrmetli klaster kárxanalarınıń basshıları!

Sizlerdiń itibarǵa ılayıq dárejedegi biznes rejelerińiz tiykarında, bir neshe jıllar tek shiyki zat sıpatında satılǵan talshıqlarımız, búgingi kúnde qayta islenip, tayar ónim bolıp milliy ekonomikamızdıń ósiwine hám eksport potencialımızdı bekkemlewge xızmet etpekte.
Qalaberdi, Sizlerdiń rejelerińizdiń áhmietli faktorı jetistirilgen zúrááttiń óz waqtında, sapalı jıynap alınıwına baylanıslı.
Fermer xojalıqlarına ǵawashanı tárbiyalaw hám onıń agrotexnikasında finanslıq járdemińizdi ayamasanız, gúzde bunıń óz jemisin kóriwdi umıtpań.
Qádirli fermerler!
Bıyıl da awıl xojalıǵı tarmaqlarında joqarı zúráát jetistiriw ushın házirden-aq puqta tiykar jaratılıwı kerek. Joqarıda atap ótkenimizdey, ǵawasha atızlarında agrotexnikalıq ilajlardı qısqa múddetlerde, sapalı etip juwmaqlaw ilajların kóriw usı kúnniń áhmietli wazıypası bolıp tabıladı.

Bársheńizdi usı iygilikli iske qatnasıwǵa shaqırıp, ekonomikamızdı kóteriwge, ana jurtımızdıń jáne de abat bolıwı ushın múnásip úlesińizdi qosıwǵa jáne "áhmietli 30 kúnlik" sheńberinde paxtashılıqta keshiktirip bolmaytuǵın agrotexnikalıq ilajlardı sistemalı hám óz múddetlerinde ámelge asırıwǵa shaqıramız!