1-iyun - Xalıqaralıq balalardı qorǵaw kúni Taqıyatas rayonında keń túrde belgilenbekte
2026-06-01 10:50:00 / Министрлик
Bayram múnásibeti menen Qaraqalpaqstan Respublikası prokurorınıń orınbasarı T.Nurmetov,Konstituciyalıq baqlaw komiteti baslıǵı P.Aytniyazov hám Taqıyatas rayonı hákimi I.Sdikov rayondaǵı 1-, 2- hám 3-sanlı shańaraqlıq balalar úylerinde tárbiyalanıp atırǵan 12 perzenttiń hal-jaǵdayınan xabar aldı.
Juwapkerli shaxslar balalardı bayram menen shın júrekten qutlıqlap, olarǵa bekkem densawlıq, baxıtlı balalıq hám oqıwlarında tabıslar tiledi.
Sonıń menen birge, tárbiyalanıwshılarǵa arnawlı tayarlanǵan bayram sawǵaları tapsırıldı. Qızǵın ushırasıw balalardıń kewlinde umıtılmas hám quwanıshlı tásirler qaldırdı.