Taqıyatasta "Hayal-qızlar dápteri"n júrgiziw boyınsha jańa tártipler dodalandı
2026-06-03 10:50:00 / Министрлик
Taqıyatas rayonı hákimliginde 2026-jıl ushın "Hayal-qızlar dápteri"n júrgiziw jáne sistemadaǵı jańa ózgerisler hám tiykarǵı wazıypalarǵa baǵıshlanǵan ushırasıw bolıp ótti.
Ushırasıwda Ózbekstan Kásiplik awqamları Federaciyasınıń Qaraqalpaqstan Keńesi baslıǵı U.Jalmenov, rayonǵa biriktirilgen wákil Sh.Mavlonov, rayon hákiminiń birinshi orınbasarı S.Allambergenov, Shańaraq hám hayal-qızlar máseleleri bólimi baslıǵı G.Bekbergenova hám jumısshı topar aǵzaları qatnastı.
Májiliste jańa Reje sheńberinde 3 tiykarǵı baǵdar belgilep berildi:
🔹 Bántlik: Jumıssız hayal-qızlardı jumıs orınları hám turaqlı dáramat penen támiyinlew;
🔹 Isbilermenlik: Hayal-qızlardıń biznes baslamaları hám joybarların qollap-quwatlaw;
🔹 Kompleksli járdem: Mútájlerge social-ekonomikalıq, medicinalıq, psixologiyalıq hám huqıqıy járdem kórsetiw.
Juwapkerlerge "Hayal-qızlar dápteri"ndegi hár bir puqaranıń mashqalasına jeke qatnas jasaw hám mánzilli járdem beriw boyınsha anıq tapsırmalar berildi.