Qaraqalpaqstan Respublikası Taqıyatas rayonı hákimligi

Assalawma áleykum, húrmetli Taqıyatas rayonı xalqı hám miymanları!

Men, Tabassum Ruzmetova, Taqıyatas rayonı medicina birlespesiniń baslıǵı sıpatında, Ózbekstan Respublikası Prezidenti Shavkat Mirziyoyevtıń 2025-jıl 26-dekabr kúni Oliy Majliske hám xalqımızǵa jollaǵan Múrájatnamasında belgilengen wazıypalardı, atap aytqanda, korrupciyaǵa qarsı gúresiw boyınsha tapsırmalardı jámáátim menen birgelikte izbe-iz ámelge asırıwǵa wáde beremen.

Mámleketimiz basshısı tákirarlaǵanınday, korrupciya – bul tek ǵana mámleket rawajlanıwına emes, al jámiyetimizdiń ádillik hám nızam ústinligine bolǵan isenimine de awır zıyan keltiretuǵın illet bolıp tabıladı. Ásirese, densawlıqtı saqlaw sistemasında korrupciyanıń hár qanday kórinisi insan ómiri hám densawlıǵına tikkeley tásir etedi, sonıń ushın bul tarawda kelispewshilikke jol qoymaytuǵın ilajlar kóriliwi shárt.

Sońǵı jıllarda mámleketimizde, sonıń ishinde, medicina tarawında korrupciyanı azaytıw, ashıqlıq hám áshkaralıqtı támiyinlew boyınsha sistemalı jumıslar alıp barılmaqta. Atap aytqanda, 2025-jıl 21-apreldegi 147-sanlı Prezident qararı menen «Korrupciyadan azat 5 taraw» baǵdarlaması sheńberinde densawlıqtı saqlaw sisteması korrupciyadan azat taraw sıpatında qáliplestiriliwi belgilendi.

Taqıyatas rayonı medicina birlespesi jámááti usı wazıypalardı ámelge asırıw ushın tómendegi ilajlardı izbe-iz orınlaydı:

✔️ Cifrlastırıw hám elektron sistemalardı engiziw

💬 Ambulatoriyalıq hám stacionar múrájatlar DMED sisteması arqalı júrgiziledi;

💬 Másláhat poliklinikasında elektron náwbet sisteması isleydi;

💬 Joqarı texnologiyalı diagnostika hám emlew ushın elektron order sisteması iskerlik kórsetedi;

💬 Elektron recept sistemasın engiziw basqıshında.

✔️ Medicinalıq qamsızlandırıw sisteması tiykarında xızmetlerdi shólkemlestiriw.

✔️ Korrupciya jaǵdayları boyınsha múrájatlar ushın isenim telefonları iskerligi jolǵa qoyılǵan.

✔️ Xızmetkerlerdiń huqıqıy sawatlılıǵın asırıw

💬 MQK, IIB hám prokuratura qánigeleri qatnasıwında dóńgelek stollar ótkeriledi.

✔️ Úgit-násiyat hám málimleme jumısları

💬 Barlıq bólimlerde korrupciyaǵa qarsı úgit-násiyat materialları jaylastırılǵan.

✔️ Nawqaslar pikirin úyreniw

💬 Jasırın sorawnamalar turaqlı túrde ótkeriledi.

✔️ Dári-dármaq penen támiyinlew

💬 Stacionar nawqaslar 80%ke shekem dári-dármaq penen biypul támiyinlenedi;

💬 Hár bir bólimde biypul beriletuǵın dári-dármaqlar dizimi turaqlı jańalanıp barıladı.

Sonday-aq, men basshı sıpatında:

🍔 Korrupciyanıń hár qanday kórinisine qatań túrde kelispewshilik bildiretuǵınımdı;

🍔 Xızmet lawazımınan jeke mápler ushın paydalanıwǵa jol qoymaytuǵınımdı;

🍔 Mákemede ashıqlıq, áshkaralıq hám ádillik qaǵıydaların qatań támiyinleytuǵınımdı;

🍔 Barlıq xızmetkerlerden nızamlarǵa qatań ámel etiwdi talap etetuǵınımdı bildiremen.

Hár bir xızmetker sonı ańlap jetiwi kerek, korrupciyaǵa qarsı gúresiw – bul tek ǵana basshınıń emes, bálkim bárshemizdiń hújdanlı hám puqaralıq parızımız. Adallıq hám juwapkershilik biziń kúndelikli jumısımızdıń tiykarǵı ólshemi bolıp tabıladı.

🔹🔹🔹🔹🔹🔹🔹🔹

Húrmetli puqaralar!
Eger medicina birlespemizde korrupciyaǵa baylanıslı jaǵdaylarǵa dus kelseńiz, biyparıq bolmastan, tómendegi isenim telefonlarına múráját etiń:

📞 Medicina birlespesi isenim nomeri: 55-110-02-75
📞 Ulıwma isenim nomeri: 11 03

Korrupciyaǵa qarsı birgelikte gúreseyik!
Korrupciyasız sistema – sapalı medicinalıq xızmet hám xalqımız iseniminiń kepili.