Kóshpeli qabıllaw: Xalıq abadanlıǵı jolında
2026-05-16 17:30:00 / Министрлик
Puqaralardıń múrájatların tıńlaw hám olardıń mashqalaların sheshiw maqsetinde Xalıq qabıllawxanası bóliminde Taqıyatas rayonı hákimi I.Sdikov, rayon prokurorı A.Kıpshakbaev, IIB baslıǵı Sh.Ismoilov hám rayonlıq salıq inspekciyasınıń baslıǵı K.Daniyarovtıń qatnasıwında jeke qabıllaw ótkerildi.
Qabıllaw dawamında puqaralardan kelip túsken múrájatlar belgilengen tártipte hár tárepleme kórip shıǵıldı. Xalıq tárepinen bildirilgen ayırım máseleler ornında sheshildi.
Qosımsha úyreniw hám belgili bir waqıt talap etetuǵın múrájatlar boyınsha juwapker shólkemler hám uyımlarǵa anıq wazıypalar júklenip, olardıń orınlanıw múddetleri belgilendi.
Atap ótiw orınlı, úzliksiz 5 saattan aslam dawam etken qabıllaw procesinde jámi 36 puqara qabıl etilip, olardıń mashqalaların unamlı sheshiw ilajları kórildi.