Qaraqalpaqstan Respublikası Taqıyatas rayonı hákimligi

Ilajdan aldın «Nuroniy» qorı Respublika Basqarması bólim baslıǵı M.Umarov hám juwapkerli xızmetkerler «Aydın jol» máhállesinde bolıp, «Kambaǵallıqtan abadan turmısqa» baǵdarlaması sheńberinde ámelge asırılıp atırǵan jumıslar menen tanıstı. Atap aytqanda, qáwenderlerdiń kómeginde turaq jayları jańalanǵan shańaraqlardıń hal-axwalınan xabar alınıp, mektep oqıwshılarına oqıw quralları hám sport kiyimleri tapsırıldı.
Áskeriy bólimde shólkemlestirilgen «Úsh áwlad ushırasıwı»na rayon basshıları, nuranıylar hám jaslar qatnastı. Ilajda tómendegi áhmiyetli máselelerge itibar qaratıldı:

— «Bir nuranıy on jasqa juwapker» principi tiykarında máseleli jaslar menen islesiw;

— Prezidenttiń PQ-405-sanlı hám Ministrler Kabinetiniń 892-sanlı qararlarınıń orınlanıwı — belsendi nuranıylardı kambaǵal shańaraqlarǵa biriktiriw;

— Máhállelerde jınayatshılıqtıń aldın alıw hám salamat ruwxıy ortalıqtı qáliplestiriw.

Ilaj dawamında belsendi nuranıylarǵa estelik sawǵaları tapsırıldı. Sonday-aq, miymanlar «Keńes» APJda jasawshı 100 jastaǵı front artı miynet veteranı Tájimurat Allayarovtıń shańaraǵına barıp, nuranıyǵa mayıplar arbashasın hám sawǵalar tapsırdı.

Bunday ushırasıwlar kárhan áwladtıń bay ómirlik tájiriybesin jaslarǵa jetkeriwge hám jámiyette óz-ara mehir-aqıbet ortalıǵın bekkemlewge xızmet etedi.