Taqıyatasta aliment tólewden bas tartqan shaxs 3 ayǵa erkinen ayırıldı
2026-03-11 09:55:00 / Министрлик
Nızambuzıwshılıq hám sud isi xronologiyası:
Hákimshilik ilaj: Qarızdar K.G. dáslep 15 685 560 som muǵdarındaǵı aliment tólemlerin ámelge asırmaǵanlıǵı sebepli, oǵan hákimshilik bayanlama rásmiylestirilip, Jınayat isleri boyınsha Xojeli rayonı sudınıń qararı menen hákimshilik juwapkershilikke tartılǵan.
Qarız muǵdarınıń ósiwi: Hákimshilik jaza qollanılǵannan soń da qarızdar tiyisli juwmaq shıǵarmastan, tólemlerdi ámelge asırıwdan bile tura bas tartıwda dawam etken hám onıń qarızdarlıǵı 23 million somnan asıp ketken.
Jınayıy juwapkershilik: Jaǵday boyınsha usı jıldıń 2-fevral kúni Jınayat isleri boyınsha Taqıyatas rayonlıq sudınıń ashıq sud májilisi bolıp ótti.
Sud húkimi:
Sud sheshimine muwapıq, qarızdar Ózbekstan Respublikası Jınayat kodeksiniń 122-statyasında názerde tutılǵan jınayattı islegen dep tabılıp, oǵan qarsı 3 ay múddetke erkinen ayırıw jazası tayınlandı.