"Naymankól" jasları hám rayon basshıları arasında júzbe-júz sáwbetlesiw bolıp ótti
2026-03-05 14:05:00 / Министрлик
"Jaslar kúni" bayramı sheńberinde "Naymankól" awıl puqaralar jıyınında aymaq jasları hám rayon basshılıǵınıń qatnasıwında "Basshı hám jaslar" formatındaǵı ushırasıw ótkerildi. Bul ashıq sáwbette Taqıyatas rayonı hákimi I.Sdikov, rayon prokurorı A.Kıpshakbaev hám rayonlıq IIB baslıǵı Sh. Ismoilovlar qatnastı.
Erkin hám shın kewillilik ruwxında ótken sáwbet dawamında jigit-qızlardıń jańa ideyaları, usınısları hám de olardı qıynap atırǵan máseleleri tıńlandı. Jaslarǵa juwapker etip bekitilgen wazıypalı shaxslardıń qatnasıwında hár bir múráját tereńnen analizlenip, mashqalalardı saplastırıw boyınsha anıq ilajlar islep shıǵıldı.
Ulıwma alǵanda, bul ushırasıw aymaq jaslarınıń baslamaların júzege shıǵarıw, bántligine kómeklesiw hám múrájatlarına sol jerdiń ózinde tez sheshim tabıwda zárúr áhmiyetke iye boldı.