Taqıyatas rayonı hákimi tayınlandı
2026-03-04 10:10:00 / Министрлик
Sessiyanıń kún tártibinde shólkemlestiriw máselesi kórip shıǵıldı.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi.
Sessiyada Taqıyatas rayonı hákimi lawazımına Sdikov Islambek Muratbaevichti tayınlaw máselesi kórip shıǵıldı.
Usınılǵan talabandı rayonlıq Keńestiń bir qatar deputatları qollap-quwatlap shıǵıp sóyledi.
Sessiyada Sdikov Islambek Muratbaevich Taqıyatas rayonı hákimi etip tayınlandı.
Maǵlıwmat ornında aytıw kerek, I.Sdikov miynet jolı dawamında Qaraqalpaqstan Respublikası Ministrler Keńesiniń Sanaattı rawajlandırıw, kapital qurılıs hám kommunikaciyalar máseleleri boyınsha sekretariat baslıǵı,
Xojeli rayonı hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı - ekonomikalıq rawajlanıw hám kámbaǵallıqtı qısqartıw bóliminiń baslıǵı lawazımlarında nátiyjeli jumıs alıp barǵan.
Ol usı kúnge shekem Qaraqalpaqstan Respublikası Joqarǵı Keńesiniń Sanaat qurılısı, transport hám málimleme texnologiyaları máseleleri komitetiniń baslıǵı lawazımında islep kelgen.