Xalıq deputatları Taqıyatas rayonlıq Keńesiniń 20-sessiyası bolıp ótti.
2026-02-27 17:35:00 / Министрлик
Sessiya kún tártibinde rayon sociallıq-ekonomikalıq turmısına tiyisli tómendegi áhmiyetli máseleler kórip shıǵıldı hám qızǵın talqılandı:
🔹 Rayonnıń 2026-jılǵı jergilikli byudjetiniń erkin qaldıq qarjıları esabınan qarjı ajıratıw;
🔹 2026-jıl ushın rayonda «Alkogol ónimleri»n satıw huqıqı hámde ulıwma awqatlanıw kárxanaları tárepinen onı satıw ushın jıyımlardıń sheklengen stavkaların asırıw máselesi;
🔹 Ózbekstan Respublikası Prezidentiniń 2026-jıl 5-fevraldaǵı «2026-jılda aymaqlardı jańasha usıllar tiykarında rawajlandırıw arqalı xalıq dáramatların asırıw, turaqlı jumıs orınların jaratıw hám kambaǵallıqtı qısqartıw ilajları haqqında»ǵı PQ-49-sanlı qararınıń orınlanıwın shólkemlestiriw;
🔹 Ministrler Kabinetiniń 2024-jıl 11-oktyabrdegi 665-sanlı qararına muwapıq, rayon abadanlastırıw basqarması ıqtıyarındaǵı ishki jollardı saqlaw hám ámeldegi ońlaw jumısları boyınsha 2026-jıl ushın dáslepki mánzilli dizimdi tastıyıqlaw.
Kún tártibindegi barlıq máseleler boyınsha xalıq deputatları tárepinen tiyisli qararlar qabıl etildi.