Qaraqalpaqstan Respublikası Taqıyatas rayonı hákimligi

Bul reformalardıń túp mánisi, bárinen burın, insan qádirin ulıǵlaw, puqaralardıń konstituciyalıq huqıqları menen erkinliklerin ámelge asırıw, xalıqtıń tınıshlıǵı hám paraxatshılıǵın támiyinlew hám de turmıs párawanlıǵın arttırıwǵa qaratılǵanı menen de áhmiyetli.
Mámleketimiz basshısınıń qararları menen huqıqbuzarlıqlar hám jınayatlardıń erte aldın alıw, mámlekette kriminogen jaǵdaydıń turaqlılıǵın támiyinlew boyınsha kúsheytilgen jumıs tártibi engizildi.
Huqıqıy tártipti bekkemlew tek ǵana huqıq qorǵaw uyımları emes, al basqa da mákemeler hám
keń jámiyetshiliktiń ulıwma milliy isi hám áhmiyetli wazıypasına aylandı.
Barlıq kúsh hám qurallar, jınayatlardıń aqıbetleri menen gúresiwge emes, olardı keltirip shıǵarıp atırǵan túp sebepler hám faktorlardı anıqlap, saplastırıwǵa jumsaldı.
Bul baǵdarda keń jámiyetshilik penen birge islesiw jáne de kúsheytildi.
Huqıqbuzarlıqlardıń erte aldın alıw iskerligin nátiyjeli shólkemlestiriw baǵdarında huqıq qorǵaw uyımlarınıń muwapıqlastırıwshı májilisi ótkerildi.
Usı jóneliste hár bir aymaqtaǵı kriminogen jaǵdaydan kelip shıqqan halda mánzilli ilajlar belgilendi.
Huqıqbuzarlıqlardıń erte aldın alıw boyınsha iskerligimizdi «máhállebay» shólkemlestirdik.
Oǵan kóre, hár bir máhállege ayrıqsha qatnas etken halda, mánzilli jumıs alıp barıw ámeliyatı jolǵa qoyıldı.
Bunda, «máhálle jetiligi» tárepinen xalıqtıń sociallıq máseleleri anıqlandı hám «jınayatlardıń sociallıq profilaktikası»na súyengen halda sheshildi.
Ámelge asırılǵan ilajlar hám de keń jámiyetshilik penen tıǵız birge islesiwde alıp barılǵan sistemalı profilaktikalıq ilajlar nátiyjesinde:
- rayon aymaǵında usı jıldıń eki ayı dawamında «qızıl» kategoriyadaǵı máhálleler joq.
- 14 máhálleniń 8 inde jınayat júz bermedi;
Húrmetli puqaralar!
Rayonımızda basqa aymaqlarda bolǵanı sıyaqlı júz berip atırǵan jınayatlardıń basım bólegin urlıq, aldawshılıq  hám jol-transport hádiyseleri jınayatları quraydı.
Ótken jılı júz bergen urlıq jınayatınıń yarımınan kóbi puqaralarımızdıń óz mal-múlklerin qarawsız qaldırıp, shárayat jaratqanı aqıbetinde júz bergen.
Sol sebepli, xalıq kóp jıynalatuǵın orınlar hám kóp qabatlı úyler átirapında viktimologiyalıq ilajlar ótkerilip, 400 den aslam qarawsız qaldırılǵan mal-múlkler anıqlandı hám iyelerine eskertilgen halda qaytarıldı.
Ásirese, rayonda xalıq tiykarınan kóp qabatlı úyler hám tıǵız jaylasqan turaq-jaylarda jasaytuǵınlıǵı, biraq velosiped, skuter hám basqa da buyımların qarawsız qaldırǵanlıǵı sebepli, velosiped urlıǵı menen baylanıslı 2 jınayat dizimge alındı.
Sol sebepli, mal-múlkińizge abaylı bolıń, itibarsızlıǵıńız yamasa biyparwalıǵıńız sebepli jınayat qurbanına aylanıp qalmań.

Húrmetli puqaralar!
Keyingi waqıtlarda júz berip atırǵan jınayatlardıń derlik teń yarımın kibermákanda islenip atırǵan jınayatlar quramaqta.
Álbette, puqaralarımızdı kiber qáwiplerden qorǵaw, usı tarawǵa zamanagóy programmalıq-texnikalıq sheshimler
hám jańasha jumıs usılların engiziw boyınsha kompleks
ilajlar kórilmekte.
Biraq, hár birimiz ózimizde bul túrdegi jınayatlarǵa
qarsı immunitet payda etpesek, kózde tutılǵan nátiyjege erisip bolmaydı.
Tallawlarǵa kóre, puqaralarımızdıń itibarsızlıǵı yamasa ańsat pul tabıw niyeti menen internet tarmaqları arqalı
kelgen hár qıylı fayllardı yamasa siltemelerdi ashıwı nátiyjesinde ózleriniń jeke maǵlıwmatların kibermákandaǵı jınayatshılarǵa usınıp, olardıń ańsatlıq
penen pulların qolǵa kirgiziwine jol ashıp berilmekte.

Húrmetli watanlaslar!
Pursattan paydalanıp, ulıwma jınayatlar ishinde salmaǵı joqarı bolǵan avtoavariyalarǵa itibarıńızdı qaratpaqshıman.

Qádirli watanlaslar!
- jámiyette qáwipsiz ortalıqtı támiyinlew islerine bárshemiz birdey juwapkershilik penen qatnas etsek;
- óz úyimiz, óz máhállemiz, óz elimizdıń tınıshlıǵı hám paraxatshılıǵına tiyisliligimizdi tereń sezsek;
- jámiyette huqıqıy mádeniyattı qáliplestiriw, ruwxıy-ádep-ikramlılıq qádiriyatlardı bekkemlewge hár birimiz óz úlesimizdi qossaq, shańaraǵımız, máhállemiz, elimiz tınısh hám paraxat mákanǵa aylanadı.