Taqıyatas rayonında "Kámbaǵallıqtan abadanlıqqa qaray" baǵdarlaması orınlanıwı boyınsha májilis ótkerildi
2026-02-24 15:55:00 / Министрлик
Onda nuranıylardı kámbaǵal shańaraqlarǵa biriktiriw jumısların 3 basqısh tiykarında shólkemlestiriw hám belgilengen wazıypalardı nátiyjeli ámelge asırıw máseleleri dodalandı.
Májiliste "Nuranıy" qorı rayonlıq bóliminiń baslıǵı A.Ersaidov, "Insan" sociallıq xızmetler orayı Taqıyatas rayonlıq bóliminiń baslıǵı R.Xidirbaev, Kámbaǵallıqtı qısqartıw hám bántlikke kómeklesiw orayı rayonlıq bólimi baslıǵınıń orınbasarı M.Djangabaev, Respublikalıq Ruwxıy-aǵartıwshılıq orayı Taqıyatas rayonlıq bóliminiń baslıǵı M.Djumamuratova hám belsendi nuranıylar qatnastı.
Májilis dawamında belsendi nuranıylardı kámbaǵal shańaraqlarǵa biriktiriw, olardıń shańaraqlıq sharayatların jaqsılaw, turaq jay átirapların tazalaw hám abadanlastırıw, qıytaq jerlerden únemli paydalanıw boyınsha úgit-násiyat jumısların kúsheytiw zárúrligi atap ótildi.
Sonday-aq, máhálle "jetiligi" menen birgelikte toy hám shańaraqlıq máresimlerdi saltanatlı ótkeriw, jınayashılıqtıń erte aldın alıw, sociallıq basımlardıń aldın alıw hám erte neke jaǵdaylarına jol qoymaw boyınsha ushırasıw hám dógerek sáwbetlerin turaqlı shólkemlestiriw máseleleri kórip shıǵıldı.
Májilis juwmaǵında keń jámiyetshilik arasında ruwxıy-aǵartıwshılıq úgit-násiyatlaw jumısların bunnan bılay da kúsheytiwde belsendi nuranıylardıń qatnasıwın támiyinlew áhmiyetli wazıypa etip belgilendi.