Bul ózgerisler energiya resursları bahaların bazar principleri tiykarında qáliplestiriw procesinde járdemge mútáj xalıqtı sociallıq qorǵawdı kúsheytiwge qaratılǵan.
Qarardıń baslı maqseti - elektr energiyası hám tábiyǵıy gaz bahalarınıń basqıshpa-basqısh bazar mexanizmlerine ótkeriliwi sharayatında kem támiyinlengen hám járdemge mútáj shańaraqlardı mámleket tárepinen qollap-quwatlaw, olardıń sociallıq turaqlılıǵın támiyinlew bolıp esaplanadı.
Qararǵa muwapıq, járdemge mútáj shańaraqlarǵa tómendegi kompensaciyalar belgilengen:
1. Elektr energiyası tutınıwı ushın bazalıq normadan asqan belgili bir muǵdarǵa shekem baha parqın qaplaw.
2. Tábiyǵıy gazden paydalanǵanı ushın ısıtıw máwsiminde hám máwsimnen tısqarı dáwirde belgilengen normaǵa shekem kompensaciya tólew.
3. Reestrge kirgizilgen shańaraqlarǵa bir mártelik materiallıq járdem ajıratıw.
Kompensaciyalar Sociallıq qorǵaw milliy agentligi hám kommerciyalıq bankler arqalı avtomatlastırılǵan sistema tiykarında ámelge asırıladı. Járdemge mútáj shańaraqlar "Sociallıq qorǵawdıń birden-bir reestri" hám "Kámbaǵal shańaraqlar reestri" tiykarında anıqlanadı.
848-sanlı qarar janılǵı-energetika tarawında bazar mexanizmlerin engiziw procesinde sociallıq ádillikti támiyinlewge xızmet etedi. Bul hújjet járdemge mútáj xalıqtıń energiya resursları bahalarınıń artıwınan unamsız tásir kórmewin támiyinlew jáne sociallıq qorǵaw sistemasın bunnan bılay da jetilistiriwge qaratılǵan.
Taqıyatas rayonı Ádillik bólimi
Mámleketlik xızmetler orayı
Bas qánigesi R.Xojamuratov