‼️ Kóp kvartiralı jaylardı basqarıw tarawında xızmet sapası, qarjılıq ashıq-aydınlıq hám mámleketlik qadaǵalawdı kúsheytiwge qaratılǵan áhmiyetli qarar qabıl etildi.
2026-02-16 11:30:00 / Министрлик
📌Qarardıń tiykarǵı maqsetleri:
🔹 oraylasqan ıssılıq tarmaqlarına jalǵanǵan 1 032 kóp kvartiralı turaq jayda energiya nátiyjeliligin arttırıw;
🔹 májbúriy tólemler hám ulıwma múlkti ijaraǵa beriwden túsetuǵın qarjılardı tolıq ashıq-aydın sistemaǵa ótkeriw arqalı debitor qarızdarlıqtı keminde 80 procentke qısqartıw;
🔹 mámleketlik byudjet hám xalıqaralıq qarjı institutlarınıń qarjıları esabınan awır jaǵdaydaǵı 10 mıń kóp kvartiralı jaydı basqıshpa-basqısh jaqsılaw;
🔹 kóp kvartiralı turaq jaylardı basqarıw processlerin tolıq sanlastırıw.
📌Ońlaw hám rekonstrukciya jumısların qarjılandırıw
🔸 2026–2030-jılları xalıqaralıq qarjı institutlarınıń 200 mln AQSh dolları esabınan energiya nátiyjeliligin arttırıwǵa qaratılǵan joybarlar ámelge asırıladı;
🔸 2026–2027-jılları respublika byudjetinen 1 trln som ajıratılıp, turaq jaylar hám olarǵa tutas aymaqlarda infrastruktura obyektleri qurıladı hám rekonstrukciyalanadı;
🔸 2026-jılda 1991-jılǵa shekem qurılǵan úyler ushın elektron pasportlar islep shıǵıladı.
📌Sanlastırıw hám tólemlerde tolıq ashıqlıq
🔹 2026-jıl 1-iyulden Tashkent qalasında, 2027-jıldan bolsa respublika boylap:
▫️ ulıwma jıynalıslar ótkeriw;
▫️ basqarıwshı organın tańlaw;
▫️ esabatlar usınıw;
▫️ múrájatlardı qabıl etiw tek ǵana "Meniń úyim" billing sisteması arqalı ámelge asırıladı.
Sonday-aq,
🔹 hár bir kóp kvartiralı turaq jay ushın óz aldına bank esap beti ashıladı;
🔹 májbúriy tólemler tek ǵana bank kartaları hám elektron tólem sistemaları arqalı qabıl etiledi;
🔹 ulıwma múlkti ijaraǵa beriwden túsken barlıq dáramatlar turaq jay iyeleri esap betine jóneltiriledi.
📌Jańa talaplar hám qadaǵalaw ilajları
🔹 jańadan qurılatuǵın úylerde videobaqlaw kameraları hám domofonlar ornatıw májbúriy boladı;
🔹 ózbasımshalıq penen qurılıs hám rekonstrukciya jaǵdayların anıqlaǵan basqarıwshılarǵa hákimshilik járiymanıń 25 procenti sıylıq sıpatında beriledi;
🔹 basqarıw organları jumısı ústinen qadaǵalaw kúsheytilip, "Meniń úyim" sisteması arqalı xalıqtıń pikiri esapqa alınadı.