Qaraqalpaqstan Respublikası Taqıyatas rayonı hákimligi

Avtotransport quralı tariyxı haqqında maǵlıwmat alıw tártibi

Ózbekstan Respublikası Ministrler Kabinetiniń 2023-jıl 20-noyabrdegi 612-sanlı qararınıń 30-qosımshasına muwapıq, puqaralar hám yuridikalıq shaxslar "Avtotransport quralları haqqında anıqlama" alıw ushın ótinish jiberiwi múmkin.

Usı mámleketlik xızmet arqalı ótinish beriwshiler ózlerine tiyisli avtotransport quralları haqqındaǵı maǵlıwmatlardı alıw huqıqına iye.

Mámleketlik xızmetten paydalanıw ushın talap etiletuǵın maǵlıwmatlar
🔹 Fizikalıq shaxslar ushın:

Familiyası, atı hám ákesiniń atı (eger ózgergen bolsa, bul haqqında maǵlıwmat);

Pasport yamasa ID-karta maǵlıwmatları;

JSHSHIR (Fizikalıq shaxstıń jeke sáykelestiriw nomeri).

🔹 Yuridikalıq shaxslar ushın:

Shólkemniń tolıq atı;

STIR (Salıq tólewshiniń sáykelestiriw nomeri).

🔹 Qosımsha:

Anıqlama tili (ózbek yamasa rus).

Mámleketlik xızmet shártleri

💰 Mámleketlik bajı yamasa jıyım muǵdarı: aqısız

⏱ Kórsetiw múddeti: haqıyqıy waqıt rejiminde

📌 Ótinish beriwshiler tek ǵana ózlerine tiyisli avtotransport quralları haqqında maǵlıwmat alıwı múmkin.

Anıqlamada kórsetiletuǵın maǵlıwmatlar

Anıqlamada tómendegi maǵlıwmatlar kórsetiledi:

Ulıwma maǵlıwmatlar:

Avtotransport quralınıń reńi

Islep shıǵarılǵan jılı

Túri

Kuzov/shassi nomeri

Tolıq salmaǵı (kg)

Júksiz salmaǵı (kg)

Dvigatel nomeri

Otın túri

Qosımsha maǵlıwmatlar:

Aynalardı qarayıtıw ruxsatnaması berilgen sáne

Ruxsatnamanıń ámel etiw múddeti

Qamsızlandırıw polisi maǵlıwmatları (seriya hám nomeri)

Qamsızlandırıw túri hám ámel etiw múddeti

Qamsızlandırıw waqıyaları haqqında maǵlıwmat

Avtotransport quralınıń texnikalıq kórikten ótkenligi

Qamsızlandırıwǵa kiritilgen aydawshılar haqqında maǵlıwmat

Bul xızmet arqalı puqaralar hám shólkemler óz avtotransport quralları boyınsha tolıq hám isenimli maǵlıwmatlardı tez túrde alıw imkaniyatına iye.

Taqıyatas rayonı Ádillik bólimi
Mámleketlik xızmetler orayı
bóliminiń bas qánigesi
T. Baymbetov