Qaraqalpaqstan Respublikası Taqıyatas rayonı hákimligi

Taqıyatas rayonı prokurorı A.Kipshakbaevtıń rayon xalqına múrájatı:

Assalawma áleykum, áziz watanlaslar!

Bárshemizge málim, Ózbekstan Respublikası Prezidenti Shavkat Miromonovich basshılıǵında Insan qádirin ulıǵlaw, puqaralardıń konstituciyalıq huqıq hám erkinliklerin ámelge asırıw, xalqımız tınıshlıǵın támiyinlew, turmıs dárejesin jaqsılaw baǵdarında keń kólemli jumıslar ámelge asırılmaqta.

Biraq zaman rawajlanıwı, adamlar turmıs tárzi kúnnen-kúnge ózgerip, imkaniyatlar keńeygen sayın hár túrli jınayıy illetler kóbeyip barmaqta.

Usı múrájatımda kóterilgen máseleler Siz hám Siziń mal-múlkińiz qáwipsizligi ushın júdá áhmiyetli.

Atap aytqanda, rayon aymaǵında huqıqbuzarlıq hám jınayatshılıqtıń aldın alıw boyınsha huqıqtı qorǵaw organları hám jámiyetshilik wákilleri menen birgelikte mánzilli profilaktikalıq is-ilajlar alıp barılmaqta.

Alıp barılǵan profilaktikalıq is-ilajlar nátiyjesinde rayonda 2025-jıldıń 12 ayı dawamında ulıwma jınayatshılıq ótken jıldıń usı dáwirine salıstırǵanda 120 dan 111 ge azayǵanın kóremiz.

Biraq jınayatlardıń aldın alıw boyınsha huqıqtı qorǵawshı organlar hám tiyisli taraw qánigeleri menen birgelikte "Máhállebay" hám "Xonadanbay" jumıs alıp barılıwına qaramastan;

- 2025-jıldıń 12 ayı juwmaǵı menen rayon aymaǵında

14 máhálleden 2 si sarı, qalǵan 12 si jasıl toparǵa kirgizilgen.

Húrmetli Taqıyatas rayonı xalqı!

Júz berip atırǵan jınayatlardıń talqılawınan kelip shıǵıp, keleshekte jınayat qurbanı bolıp qalmawıńız ushın;

- xalıqaralıq internet tarmaǵındaǵı Ózbekstan Respublikası aymaǵında qadaǵan etilgen jámiyet saytları arqalı terrorizm, separatizm, milletshilik ideyaların tarqatıwshı maǵlıwmat hám videoroliklerdi qollap-quwatlamań hám olarǵa pikir bildirmeń;

- korrupciyaǵa qarsı gúresiw - hár birimizdiń wazıypamız;

Búgingi kúnde puqaralarımız tárepinen bilip-bilmey para beriw, para alıw hám para alıw-beriwde dáldalshılıq etiw jınayatlarına aralasıp qalmaqta, sol sebepli korrupciya menen baylanıslı hár qanday jaǵdaylar bolǵan jaǵdayda dárhal huqıqtı qorǵaw organlarına xabar beriwińizdi sorayman.

- avtomobil basqarıwda jol háreketi qáǵıydalarına qatań ámel qılıń hám de jollarda saq bolıń. Siziń jollarda hár qanday qaǵıydabuzarlıq háreketińiz baxıtsız, ashınarlı jaǵdaylarǵa sebep bolatuǵının umıtpań;

Shólkem, kárxana, shólkemler hám óz turar jaylarıńız qáwipsizligin támiyinlewde Ishki isler ministrligi Qorǵaw bóliminiń Qorǵaw pulti xızmetinen paydalanıwǵa puqaralarımızdı shaqıramız.

Húrmetli Taqıyatas rayon xalqı!

Hár qanday jınayat yamasa basqa nızamsız is-háreketler haqqında Ishki isler bólimine yamasa aymaqlıq profilaktika inspektorına óz waqtında xabar beriń.

Xabar beriwshi shaxslar haqqındaǵı maǵlıwmatlar qupiya saqlanadı.

Sizlerdi profilaktika is-ilajlarında belsendi qatnasıwǵa shaqırıp qalaman.