Narkotik jınayatlarına qarsı jaza kúsheytildi

Ózbekstan Respublikası Prezidentiniń 03.11.2025-jıldaǵı PF-207-sanlı Pármanı menen narkotik zatlarınıń nızamsız aylanısına qarsı gúres kúsheytildi.

🔹 Tiykarǵı baǵdarlar:

Bilimlendiriw mákemelerinde narkotik hám psixoaktiv zatlarınıń tarqalıwına qatań shek qoyıladı;

Internet arqalı tarqatıw, transshegaralıq narkojınayatlar hám nızamsız narkolaboratoriyalarǵa qarsı keskin ilajlar kóriledi;

Prekursorlar aylanısı hám meditsina mákemeleriniń xızmetin sanlı qadaǵalaw engiziledi;

Jaslar arasında narkomaniyalıqtı anıqlaw, emlew hám reabilitatsiya sisteması jetilistiriledi.

⚖️ Áhmiyetli ózgerisler:

Jınayat kodeksine "Xalıq den sawlıǵı hám millet genofondına qarsı jınayatlar" atamasındaǵı jańa bólim kirgiziledi;

Shólkemlesken narkojınayatlar, Internet arqalı sawda hám nızamsız narkolaboratoriyalar ushın 20 jılǵa shekem azatlıqtan ayırıw jazası belgilenedi;

Narkotik zatların jámiyetlik orınlarda paydalanǵanı ushın 15 sutkaǵa shekem hákimshilik qamaqqa alıw engiziledi;

Jas óspirimlerdi narkotik hám kúshli tásir etetuǵın zatlardı qollanıwǵa tartqanı ushın jazalar keskin awırlastırıladı.

🚫 Ayırım awır narkojınayatlardı islegen adamlar múddetinen aldın shártli azat etilmeydi.

📅 Párman 08.11.2025-jıldan kúshke engen.

✍️ Taqıyatas rayonı ádillik bólimi