Shomanay rayonında "Hákim hám jaslar" ushırasıwı bolıp ótti
2025-07-20 15:45:00 / Министрлик
2025-jıl 19-iyul kúni Shomanay rayonı "Aybúyir" mákan puqaralar jıyını aymaǵında máhálle jaslarınıń qatnasında ashıq hám erkin pikirlesiw tárizinde "Hákim hám jaslar" ushırasıwı shólkemlestirildi.
Ushırasıwda Shomanay rayonı hákimi jaslar menen sóylesip, olardıń pikir-usınısların tıńladı. Ilaj dawamında jaslar ózleriniń qızıqtırǵan máseleleri, tiykarınan bilimlendiriw, bántlik, sport, mádeniyat hám basqa da baǵdarlardaǵı pikir-usınısların tikkeley hákimge bildiriw imkaniyatına iye boldı.
Rayon basshısı hár bir múrájatqa ayrıqsha itibar qaratıp, olardı sheshiw boyınsha tiyisli taraw juwapkerlerine tapsırmalar berdi. Bunday ushırasıwlar jaslardıń belsendiligin arttırıw, olardıń baslamaların qollap-quwatlaw hám ashıq pikirlesiwdi jolǵa qoyıwda úlken áhmiyetke iye bolmaqta.
Ushırasıw juwmaǵında jaslar bildirilgen itibar hám jaratılǵan imkaniyatlar ushın minnetdarshılıq bildirdi.