Jańa islep shıǵarıw - jańa imkaniyat: Shomanaydaǵı investiciyalıq joybarlar menen tanısıw
2026-11-18 15:20:00 / Министрлик

#Press_tur
#Online
Búgin, 2026-jıl 18-noyabr kúni Shomanay rayonında investiciyalıq joybarlardıń ámelge asırılıw procesi menen tanısıw maqsetinde ǵalaba xabar quralları wákilleri hám rayonlıq Keńes deputatlarınıń qatnasıwında press-tur shólkemlestirilmekte. Dáslep, "SHILMANOVA QIZLARGUL" Juwapkershiligi sheklengen jámiyeti tárepinen ulıwma bahası 500 million som bolǵan "Nan hám nan ónimlerin islep shıǵarıw" joybarınıń jumısı menen tanıstı. Joybar ushın "Begjap" awıl puqaralar jıyını aymaǵınan 0,02 gektar jer maydanı ajıratılıp, jeńilletilgen kredit qarjıları esabınan zárúr ásbap-úskeneler ornatılıp, islep shıǵarıw jolǵa qoyıldı.
Bul joybar nátiyjesinde xalıqqa nan hám nan ónimlerin jetkerip beriw imkaniyatı keńeyip, 3 puqaranıń bántligi támiyinlendi. Bunday baslamalar rayonda jergilikli óndiristi rawajlandırıw, isbilermenlik potencialın arttırıw hám xalıqtıń dáramatların kóbeytiwge xızmet etpekte.





