Hár bir shańaraq itibarda: máhállelerde xatlaw jumısları alıp barılmaqta
2026-09-14 10:55:00 / Министрлик
Ózbekstan Respublikası Prezidentiniń usı jıl 3-sentyabr kúngi kámbaǵallıqtı qısqartıw, xalıqtıń bántligin hám dáramatların arttırıw máselelerine baǵıshlanǵan májilisinde belgilengen wazıypalardıń orınlanıwın támiyinlew maqsetinde Shomanay rayonında máhállelerde xatlaw jumısları alıp barılmaqta.
Rayon hákimi A.Ametov basshılıǵında, máhálle jetiligi menen birgelikte "Nawrız" hám "Monshaqlı" mákan puqaralar jıyını aymaǵındaǵı shańaraqlarda xalıqtıń bántlik jaǵdayı, dáramat derekleri hám qosımsha dáramat tabıw imkaniyatları úyrenilmekte. Xatlaw procesinde, ásirese, jumıs penen támiyinlew, isbilermenlik jumısın jolǵa qoyıw hám bar imkaniyatlardan nátiyjeli paydalanıw boyınsha mútájlikler úyrenilmekte. Anıqlanǵan máseleler tiykarında puqaralarǵa tiyisli baǵdarlarda ámeliy járdem kórsetiw, olardı dáramatlı miynetke tartıw hám shańaraqlardıń abadanlıǵın arttırıwǵa qaratılǵan ilajlar belgilenbekte.
Tiykarǵı maqset - hár bir máhállede xalıqtıń bántligin támiyinlew, dáramatların arttırıw hám kámbaǵallıqtı qısqartıw boyınsha mánzilli jumıslardı kúsheytiw esaplanadı.