Xalıqtıń dáramatların arttırıw hám kámbaǵallıqtı qısqartıw boyınsha ámelge asırılǵan jumıslar dodalandı
2026-09-04 16:30:00 / Министрлик
Búgin, 2026-jıl 4-sentyabr kúni Shomanay rayonında Ózbekstan Respublikası Prezidentiniń 2026-jıl 5-fevraldaǵı PQ-49-sanlı qararınıń orınlanıwı sheńberinde xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw boyınsha ámelge asırılǵan jumıslar boyınsha baspasóz konferenciyası shólkemlestirildi.
Onda rayonlıq Kámbaǵallıqtı qısqartıw hám bántlikke kómeklesiw bóliminiń baslıǵı A.Galyakberov, ǵalaba xabar qurallarınıń wákilleri, xalıq deputatları Shomanay rayonlıq Keńesiniń deputatları, máhállelerdegi hákim járdemshileri hám tiyisli taraw qánigeleri qatnastı.
Baspasóz konferenciyasında qarar sheńberinde xalıqtıń bántligin támiyinlew, jańa hám turaqlı dáramat dereklerin jaratıw, isbilermenlik baslamaların qollap-quwatlaw jáne máhállelerde kámbaǵallıqtı qısqartıw baǵdarında alıp barılıp atırǵan jumıslar haqqında maǵlıwmatlar berildi.
Sonday-aq, ámelge asırılıp atırǵan joybarlar hám olardıń ámeliy nátiyjeleri boyınsha jurnalistlerdiń sorawlarına juwapkerler tárepinen tolıq juwaplar berildi.